Pertsonen zirkulazio askea aldarrikatu dute, Irun eta Hendaia arteko itsasaldiaren bidez
Elkano Itsas Herriak uztaileko ibilbidea amaitu du ostiral honetan, Irun eta Hendaia arteko etapa mugakidean, Bidasoa ibaian barrena. Zirkulazio askea aldarrikatzeko helburuz, 18 gizon eta emakume migratzailek, besteak beste, osatu dute Juanita Larando patatxeko tripulazioa.
SOS Arrazakeria, Emaus Fundazioa, Irungo Harrera Sarea eta Ndank Ndank elkartea batu dira Irundik abiatutako ekimenera, Bidasoa ibaia gurutzatuta Hendaiako CHMT - Hendaia Txingudi Klub Nautikora iritsi dena.
Aurreko geldialdi guztietan bezala, tokiko agintari eta eragileek ongietorri ekitaldia egin diete Elkano Itsas Herriari eta patatxeko tripulazioari. Kasu honetan, Abdolulaye Gueye Caritaseko aholkulari juridikoak hartu du hitza migratzaileen izenean, Xabier Agote Albaolako presidente eta Juanita Larandoko ontziburuarekin eta Kotte Ezenarro Hendaiako alkatearekin batera. Amets Arzallus bertsolariak ere parte hartu du ekitaldian.
Euskal kostaldetik ibilbidea egiten duen itsasaldi kulturala da Elkano Itsas Herria, "Euskal Herriak historian zehar itsasoarekin izandako harremana berreskuratzeko". Elkano Fundazioak, Albaolak eta Donostiako Itsas Museoak sustatutako ekimena da. Uda honetan Gipuzkoako, Bizkaiko eta Lapurdiko 25 udalerri bisitatzen ari da.
Hendaiako geldialdia igandera arte luzatuko da, eta 'Itsas Besta-Fête de la mer' jaietan parte hartuko du ontziak. Elkano Itsas Herriak abuztuan hartuko du atseden, eta irailean berrekingo dio bidaiari, Gipuzkoako eta Lapurdiko kostaldean zehar.
Getariara itzuliko da Elkanoren Eguneko egitarau berezia dela eta, eta geldialdia egingo du Donostian Euskal Jaietan zehar. Hortik aurrera, Donibane Lohizune eta Zibururaino iritsiko da, Europako Ondarearen Egunen baitan, irailaren 15etik 18ra bitarte.
Zure interesekoa izan daiteke
Auto-ilarak deseginda, egoera bere onera itzuli da Artatzan goizean tuneletan izandako istripu baten ondoren
Moto batek istripua izan du tuneletan eta errei bat itxi behar izan dute BI-637 errepidean, Leioan, Bilborako noranzkoan eta 4 km-rainoko ilarak izan dira bertan. Motor gidaria zaurituta eraman dute erietxera. Arazoak izan dira N-1ean ere Tolosa parean eta Irunerako noranzkoan; autobus batek eta auto batek talka egin dute eta zauriturik ez badago ere, ilarak sortu dira.
Bi pertsona ospitalera eraman dituzte Berriobeitin, hondakinak kudeatzeko enpresa batean piztutako sutean kea arnastuta
Enpresa ebakuatu behar izan dute. Enpresako langileak sua itzaltzen hasi dira, eta suhiltzaileek bukatu dute, 00:26an.
Gomez Ulla ospitalean isolatutako beste pertsonak batek positibo eman du hantabirusagatik, baina ez du sintomarik
"Kontaktu estua" da, eta Hondiuseko agerraldiaren ostean aktibatutako miaketa "epidemiologikoari" esker aurkitu zuten.
Gasteizko Udalak eta blusa eta nesken kuadrillek aldatu egingo dituzte jaietako kalejirak
Batzordeak joanekoan desfilatuko du, eta Federazioak, berriz, itzulerakoan.
Albiste izango dira: Bero itogarria, Zupiriaren agerraldia Ertzaintzak Loiun izandako jokabideagatik eta Sanchezen legealdia, arriskuan?
Gaurkoan Orain-en albiste izango direnen laburpena, bi hitzetan.
Bilboko metroko tren batean izandako matxurak atzerapenak eragin zituen astelehen gauean
Zerbitzua betiko moduan dabil astearte goizean. Abandoko eta Alde Zaharreko geltokien artean geratu zen tren bat ez atzera ez aurrera, 21:15 inguruan, eta ondorioz, sare osoan atzerapenak izaten ziren.
Basauriko ikasleen familiek protesta deitu dute ostegunerako, jangeletan "janari duina" eskatzeko
Basauriko Guraso Elkarteek Hezkuntza Sailari ohartarazi diote, "sukalde zentralaren edo sukalde bertikalen gainetik", "janaria bera benetan aldatzea" eskatzen dutela.
Santutxuko Luis Briñas BHI ikastetxean pasilloetan eman dituzte gaur eskolak, ikasgeletan bero jasanezina zegoelako
EITBk jakin ahal izan duenez, 35 gradu zeuden ikasgeletan. Hori dela eta, ordutegi jarraitua aste honetara aurreratu behar izan dute.
Iruñeko herritarrek Erorien Monumentua eraberritzeko bi proposamen baloratu eta ekarpenak egin ahal izango dituzte
Epaimahaiak "Harriak Hitz" eta "Itzaletik Argira" proiektuak aukeratu ditu Erorien Monumentua eraldatzeko lehiaketara aurkeztu ziren 21 lanen artean, eta orain Iruñeko herritarren txanda izango da, ekainaren 10erako aurreikusitako parte-hartze prozesu baten bidez horiek baloratu eta ekarpenak eigteko.
Basaurin estreinatuko dute zazpi ikastetxeri zerbitzua emango dion lehen sukalde zonala
Basaurin ezarriko dute EAEn, lehen aldiz, eskola sukaldeen eredu mistoa, eskoletako sukaldeak eta sukalde zonala integratuko dituena. Guztira, zazpi ikastetxe publikoren bazkaria prestatuko dute elkarrekin.