Ibilgailuen joan-etorria bere onera etorri da Biriatuko mugan, arratsaldean ilara luzeak eratu eta gero
Girondan (Frantzia) atzo piztutako sute larriak, besteak beste, Biriatuko mugako trafikoari eragin dio, eta auto-ilara luzeak sortu dira AP-8 autobidean arratsalde osoan. 19:00ak aldera 3 kilometroko ilarak ziren, baina une honetan ibilgailuen joan-etorria normala da berriro.
Irundik Lapurdirako pasabidea zeharkatzea debekatu egin zaie ibilgailu astunei, eta A-63 autobidea (Irun-Bordele) itxi egin dute 9. irteeratik (Saint Geours de Maremne) aurrera. Eguerdian, baina, berriro zabaldu dute, Eusko Jaurlaritzako Trafiko Zuzendaritzak 12:00ak pasatxo jakinarazi duenez.
Errepide ertzean pilatu dira ibilgailu astunak. EITB Mediak jakin ahal izan duenez, 09:00etan bilera egin dute Jendarmeek eta Paueko prefekturak, egoera aztertu eta erabakiak hartzeko, eta horren zain zegoen Ertzaintza, kamioilariei irtenbideren bat emateko.
Eusko Jaurlaritzako Trafiko Zuzendaritzak muga ireki dutela jakinarazi du Twitterren duen kontuan, bestelako azalpenik eman gabe. Halaber, A-1ean ezarritako murrizketak ere bertan behera utzi ditu Ertzaintzak: kamioiek galarazita zuten zirkulazioa Donemiliaga (Araba) parean eta Irungo noranzkoan.
Orain arte, 7.500 kg baino gehiagoko ibilgailuek —animalia biziak zeramatzatenak izan ezik— debekatuta izan dute muga zeharkatzea. Debekua atzo ezarri zuten, eta gaur 07:00etatik egon da indarrean (gauean zabalik izan dute autobidea). Goizean Irun parean trafikoa bideratzen aritu diren Ertzaintzako agenteak atzera berriz Donostiako noranzkoa hartzeko aholkatu diete kamioilariei.
Girondako suteak, dagoeneko, 6.800 hektarea kiskali ditu, eta 10.000 pertsona ebakuatu behar izan dituzte.
Zure interesekoa izan daiteke
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.