Girondako eta Landetako sutea egonkortuta dago, baina ez itzalita
Frantziako Gironda eta Landak departamenduetako sutea "egonkortuta" dago larunbat honetan, baina oraindik ez dute erabat itzali, agintariek adierazi dutenez. Guztira, 7.400 hektarea kiskali ditu.
"Gaua ona izan da, ez da aldaketarik izan sutearen bilakaeran. Egoera egonkorrean gaude, oraingoz", zehaztu du, prentsaurrekoan, Stephanie Martin komandanteak. Bera da Departamenduko Sute eta Laguntza Zerbitzuko komunikazio-arduraduna.
Frantziako hego-mendebaldean 20.000 hektareatik gora erre ziren uztailean izandako sute handietan, eta orain, abuztuan, berriro ere egoera horretan daude. Azken sute hau hilaren 9an piztu zen, eta 10.000 bat lagun atera behar izan dituzte etxetik; garrek hainbat etxe suntsitu dituzte.
Ekaitza, larunbat gauerako
Frantziako hego-mendebaldean, ekaitza iragarri dute larunbat gauerako. Agintariek espero dute horrek laguntza ematea, sua itzaltzeko; hori bai, azkenean euririk ez badu egiten, eta soilik haizeak joko balu, egoerak okerrera egin lezake: Badakigu ekaitz honek haizea ekarriko duela", ohartarazi du Martinek.
Frantziak nazioarteko laguntza eskatu du sute honi aurre egite aldera; izan ere, uda honetan hainbat sute handi eta zenbait bero-bolada izan dira herrialdean. Austriak, Poloniak, Alemaniak, Greziak eta Errumaniak laguntza hori eman dute. Oraingoz, ez dago aurreikusita sutearen aurka dabilen ekipoa txikiagoa izatea.
Bero-boladak bere horretan jarraituko du larunbat honetan Frantziako zati handi batean; tenperaturak 30 gradutik gorakoak dira, leku askotan.
Albiste gehiago gizartea
Auto-ilara luzeak sortu dira A-8 autobidean, Malmasinen, Donostiarako noranzkoan
Hiru ibilgailuren arteko istripua izan da tunelaren barruan, eta errei bat itxi dute.
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak “Xabiertxo”, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean Merindadeetatik abiatu da manifestazio nagusia, eta 19:00etan Donostian, Gasteizen eta Bilbon. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero, hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso da gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.
Hasi da gripearen aurkako txertaketa-kanpaina, eta 75 urtetik gorakoei txerto indartua jarriko diete
"Zu zara funtsezko pieza gripea saihesteko. Jarri txertoa" lelopean, Osakidetzak hitzordua eskatzeko deia egin die pertsona zaurgarriei. Astelehenean hasiko dira txertatzen. Kalteberatzat jo ez dituztenek azarora arte itxaron beharko dute txertoa hartu ahal izateko.
Palestinarekin Elkartasuna plataformak Sumud Flotillaren aurkako erasoa kaleetan salatzeko deia egin die euskal herritarrei
Plataformaren ustez, "ezinbestekoa da Israelen eta mendebaldeko konplizeen aurkako mobilizazioa eta borroka bultzatzen jarraitzea", eta bat egiten du Gazarako Mugimendu Globalak Euskal Herriko hiriburu eta udalerrietan egindako deialdiekin.
Renfek erabat berrezariko du Bilbo eta Santurtzi arteko larunbat eta igandeetako tren-zirkulazioa
Aste barruan, trenak ohiko ordutegiaren % 50eko maiztasunarekin dabiltza, behin-behinean, aldaketarik iragarri bitartean.
Elhuyarrek sei hizkuntzatan automatikoki bikoizteko plataforma sortu du
Elhuyar Fundazioak Euskal Herriko lehenengo bikoizketa automatikoko plataforma sortu eta martxan jarri du. Erreminta honekin ikus-entzunezko eduki bat sei hizkuntzatan (euskara, gaztelania, frantsesa, ingelesa, galiziera eta katalana) bikoiztu daiteke eta jatorrizko ahotsak imitatzeko aukera ematen du. Tresna berria Aditu plataforman integratu da. Horrela, plataforma hau azpitituluak sortzeko plataforma izatetik automatikoki bikoizteko aukera ematera igaro da.
Bingen Zupiriaren arabera, segurtasunaren arloan "hainbat gertakari larri" izan dira aurten euskal gizartean
Bingen Zupiria Eusko Jaurlaritzako Segurtasun sailburuak ohartarazi duenez, "arazo sozial oso garrantzitsua" dago, urtarriletik abuztura 10 hilketa izan baitira Euskadin, bai eta emakumeen aurkako "hainbat motatako eraso asko" ere. Gainera, nabarmendu duenez, Euskadin "arma zuriak erabiltzera ohituta dauden eta gatazka asko sortzen dituzten pertsonak" egon badaudela "egiaztatu" ahal izan dute.