Zanbrana, Leire eta Zarrakaztelu hondamendi gune izendatu ditu Espainiako Gobernuak, suteengatik
Ministroen Kontseiluak 15 autonomia-erkidegotan sute handiak jasan dituzten lurraldeak babes zibileko larrialdi larriki kaltetutako eremu, hau da, hondamendi eremu, izendatzea onartu du; horien artean dago Zanbranako suteak (Araba) eta Leire mendilerrokoak eta Zarrakaztelukoak (Nafarroa) kaltetutako luraldea.
Arabako Foru Aldundiaren datuen arabera, Zanbranaren kasuan, suteak 170 hektarea mendi eremuri eragin zien, batez ere basobera, eta 20 hektarea laborantza-azalerari, sua hasi zenean jada josita baitzegoen.
Ministroen Kontseiluaren bileraren ostean, Espainiako Gobernuko bozeramaile eta Lurralde Politikako ministro Isabel Rodriguezek deitoratu egin ditu azken hilabeteetan Espainian izandako 120 baso-suteak. Horietan hiru pertsona hil dira eta 27.500 pertsona etxetik atera dituzte.
"Orain arte ezagutzen ez diren ezaugarriak dituzten suteak dira, klima aldaketaren ondorioz; jasaten ari garen tenperatura altuak, adibidez", adierazi du Rodriguezek, eta ohartarazi du aurten 200.000 hektarea baino gehiago kaltetu direla. Iaz 50.000 hektarea izan ziren. Autonomia erkidego guztietan izan dira suteak, Kantabrian eta Asturiasen izan ezik.
Horrela, "suteak prebenitzeko eta itzaltzeko mekanismo guztiak" jartzeko eskatu du. "Unea da autonomia erkidegoei laguntza emateko, beren eskumenean laguntzeko eta laguntza horiek osatzeko, kaltetuek une hauek gainditu ahal izan ditzaten", gaineratu du.
Akordioan aurreikusitako neurriak Barne Ministerioari dagozkio, eta, besteak beste, heriotza edo ezintasun absolutu eta iraunkorragatiko, ohiko etxebizitza erabat suntsitzeagatiko eta ohiko etxebizitzaren egiturari eragiten ez dioten kalteengatiko laguntzak jasotzen dituzte.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.