Aburto: "Aste Nagusi historikoa izan da, marka guztiak hautsita, eta 1.600.000 pertsona baino gehiagorekin"
Marijaia erretzeko ordu eskas falta direnean, Juan Mari Aburto Bilboko alkateak 2022ko Aste Nagusiak utzitakoaren lehen balantzea egin du igande goizean, "oso positibotzat" jo duena, "aparteko giroarekin" garatutako festak. Aurten, gainera, jai horietako inoizko bertaratze eta ekitaldi zifrarik altuenak erregistratu dituzte.
"Ikusgarria izan da Aste Nagusi hau", adierazi du Aburtok, "marka guztiak hautsita eta, hortaz, historikoa". Guztira, "1.600.000 partaide baino gehiago" bertaratu dira aste honetan hiribildura bertako jaiez gozatzera.
Jendetza horrek ekarri duen "eragin ekonomiko handia" ere nabarmendu du alkateak. Lehen estimazio batean, "110.000.000 euroko eragin ekonomikoaz ariko ginateke" baita "1.700 lanpostu baino gehiagoren sorreraz" ere.
Era berean, jaiak posible egin dituztenei eskerrak eman, eta zoriondu nahi izan ditu, eta aipamen berezia egin die "polizia eta garbiketa zerbitzuei eta konpartsei".
"Jaiak hasi aurretik, gozamena, ilusioa, poza eta errespetua eskatu nituen", oroitarazi du, "eta gaur esan dezakegu sobera bete eta gainditu dugula helburu hori".
Amaitzeko, Aburtok eskerrak eman dizkio Bilboko gizarteari "haren konpromiso eta parte hartzeagatik", baita "egunotan bisitatu gaituzten pertsona guztiei ere, hiriko enbaxadore eta munduko jairik onenen enbaxadore izan daitezen".
Zure interesekoa izan daiteke
Lehen aldiz ikusi dute ibis eremita hegaztia Nafarroan
"Giselbert 916" izena duen hegazti-alea bere espezieko lehena da eskualdean, eta Eremita Proiektuari esker dokumentatutako migrazio-ibilbide baten barruan kokatzen da.
Euskal Herriko saharar diasporak bere gaitzespena adierazi du Marokoko autonomia planaren aurrean
Euskal Herriko saharar diasporak elkarretaratzea egin du gaur Gasteizen, Mendebaldeko Sahararen autonomia plana gaitzetsi, eta Marokoren subiranotasunaren pean jarriko lukeen plana errefusatzeko. Sahararren hitzetan, Espainiako Estatua da "gure lurra abandonatu behar izatearen erantzulea", eta, hori dela eta, Espainiako Gobernuari exijitu diote autonomia plana publikoki baztertzeko, independentzia erreferenduma bat egin ahal izateko.
Argentina euskal giroan murgildu da: 2025eko Euskal Aste Nazionala hartu du Tandilek
Hiria Argentinako euskal diasporaren topagune bihurtu da. Dantza, herri kirol eta kalejira artean, mila lagun baino gehiago bildu dira euskal kultura aldarrikatzeko.
AP-8ko sarbidea bost gauez itxiko dute Zarautzen, ordainlekuetan lanak egiteko
Mozketak astelehenetik ostiralera egingo dira, 22:00etatik 06:00etara.
Ertzaintzak dagoeneko identifikatu eta salatu du Zumarragan kontrol batetik ihes egin duen gidaria
Ikerketak lehen emaitzak eman ditu, agenteek 48 urteko gizonezkoa identifikatzea lortu baitute. Dena den, ez dute oraindik aurkitu, ezta atxilotu ere.
Hegoaldeko haizearekin eta 20 gradu inguruko tenperaturekin hasiko da astea
Asteazkenera arte, behintzat, ez da aldaketa handirik espero. Eguzkia eta udaberriko tenperatutak izango dira jaun eta jabe Euskal Herri osoan.
Zerbitzua etengo dute Bizkaia Zubian astelehenetik hilaren 22ra, ontziaren kableak aldatzeko
Zerbitzuak funtzionatzen ez duen bitartean, itsasadarra zeharkatzen duen txalupa-zerbitzua indartu egingo da, eta bi ontzi aldi berean ibiliko dira 06:00etatik 22:00etara, astelehenetik ostiralera.
"Niño Juan" askatu dute, ostiralean Madrilen bahitu ostean
Juan Maria Gordillo Plaza bizirik agertu da Madrilen, jipoia jaso izanaren zantzuak zituela.
Gizon bat atxilotu dute Sarrigurenen bere bikotekidearen alabari sexu-erasoa egitea egotzita
Eguesibarreko Udaltzaingoak atxilotu du ustezko erasotzailea.
"Niño Juan" bahitu dute Madrilen, 10 ertzain zauritu zituen lapur talde baten burua
Poliziaren esanetan, kontu-garbitze bat medio bahitu dute "Niño Juan", nahiz eta ez duten baztertu beste arrazoi batzuk ere egotea. Iaz, Garbera merkataritza-gunean lapur talde batek egindako lapurretaren buru izan zen bera.