Gipuzkoako Auzitegiak behin-behineko espetxealdia ezarri dio Kote Cabezudori haren aurkako auzi nagusian
Gipuzkoako Auzitegiak behin-behineko espetxealdia ezarri dio Kote Cabezudo argazkilari donostiarrari. Iragan ekainean 28 urte eta bi hilabeteko espetxe-zigorra jarri zioten, bortxaketa, sexu-abusuak, haur-pornografia eta iruzurra delituak egotzita.
Ez da zigor irmoa; izan ere, defentsak zein akusazio partikularrak helegiteak aurkeztu dituzte Auzitegi Gorenaren aurrean. Hain zuzen ere, biktimen ordezkariek iragan ostegunean saio bat egitea eskatu zuten, Cabezudo behin-behineko espetxera bidaltzea eskatzeko, Fiskaltzak egin bezala.
Gutxi barru aske geratzeko aukera du argazkilariak, orain betetzen ari den zigorra bukatuta, edo, are gehiago, aldez aurretik kartzelaldia arintzeko neurriak eskatuz.
Auziko iturriek jakitera eman dutenez, Lurralde Auzitegiak bermerik gabeko behin-behineko kartzelaldia adostu du orain, gehienez hamar urte. Argazkilariak lau espetxealdia bete zuen instrukzio fasean eta haren aurkako epaiketan zehar.
Iturrien arabera, Fiskaltzak eta akusazio partikularrak iragan ostegunean argudiatutakoa kontutan izan du Auzitegiak erabakia hartzeko. Haien iritziz, Cabezudok ihes egiteko "arriskua" dago, ezarritako zigor larria aintzat hartuta, eta ihes egiteko beharrezko "baliabideak" dituelako.
Era berean, biktimen irudiak Interneten berriro argitaratzeko arriskua dagoela erantsi zuten akusazioek, agindu judizialak desobedituz, irudiak ez kentzeagatik haren aurkako prozedurak martxan direla kontutan hartuta.
Auzitegiaren erabaki honekin, nahiz eta Martuteneko espetxean betetzen ari den zigorra agortu, Cabezudok kartzelan jarraituko du gehienez beste sei urte edo, hala badagokio, Gorenak errekurtsoak ebatzi arte.
Albiste gehiago gizartea
Salamancako boluntario bat hil da eta bost dira jada baso-suteen ondorioz Espainian hildakoak
Antza denez, boluntario gisa parte hartu zuen Ciperez (Salamanca) herrian piztutako sutea itzaltzeko lanetan, eta kea arnasteagatik ospitaleratu eta egun batzuetara hil da. Gaztela eta Leongo Juntak, berriz, oharra kaleratu du heriotza horrek suteekin inolako loturarik ez duela esanez.
Itzulera operazioak auto-ilara luzeak eragin ditu ostiralean mugan
AP-8 autobidean 11 kilometrorainoko auto-ilarak izan dira ostiral arratsaldean Irunen, Biriatuko mugatik aurrera. Irungo Udaltzaingoak AP-8aren Oinaurreko irteera itxi du, hirigunean kolapsoa saihesteko; izan ere, Frantziarantz doazen ibilgailuek bide alternatibo hori erabiltzen dute askotan auto-ilarak saihesteko.
PACMAk elkarretaratzea egin du Bilbon tauromakiaren aurka
Dozenaka pertsona bildu dira gaur arratsaldean Bilboko Vista Alegre zezen-plazaren aurrean, Aste Nagusian antolatutako zezenketen aurka. PACMAk "tratu txarrik eta heriotzarik gabeko jai herrikoiak" egitearen aldeko apustua egin du, "kultura eta tradizioa animalien sufrimendurik gabe ospa daitezen".
Erasoen aurkako protokoloaren bigarren fasea aktibatu dute Bilboko Konpartsek
Lapiko jotzea egingo dute txosnetan ostiraletik larunbaterako gauean, eta larunbatean, abuztuak 23, giza kate batean parte hartzeko deia egin dute.
Irungo haztegi batek zaintza zerbitzua eskaintzen du bonsaientzat
Lana, oporrak edo osasun arrazoiak direla eta, gero eta gehiago dira zerbitzu hau erabiltzen dutenak. "Goi-denboraldian, abuztuan batez ere, haztegia ia beteta dugu", adierazi du Javier Lumbreras Irun Bonsaiko arduradunetako batek.
Arrantza-ontzi bat identifikatu dute Donostian legez kanpoko bazterkinak uretara botatzegatik
Guardia Zibilak Laredoko itsasontzi bati egotzi dio Monpaseko uretan 700 kilo boga isurtzea, Eguzki talde ekologistak salaketa jarri ostean.
Pedro Sanchezek Presidenteen Konferentziara eramango du suteen gaia, eta ministerio arteko batzorde bat sortuko du
Eusko Jaurlaritzak dituen egoitzetara bidean dira Gasteizko kaleetan bizi ziren maliarrak
Gasteizko kaleetan bizi ziren 50 maliarretako dozena bat inguru Eusko Jaurlaritzaren egoitzetara eramaten ari dira gaur goizetik. Horrela, aldi baterako irtenbidea eman nahi diete asilo-eskaerak izapidetzeko zain dauden pertsona horiei.
Suteek 600 milioi eurotik gorako kalteak eragin dituzte, Nekazari eta Abeltzain Erakundeen Koordinakundearen arabera
Javier Fatas COAG Nekazari eta Abeltzain Erakundeen Koordinakundeko ordezkariaren arabera, "hondamendi egoera" da Estatuko hainbat tokitan, 350.000 hektarea baino gehiago erre baitira, bereziki mendebaldean. Kaltetutako eremuen artean, laborantza, abeltzaintza edo baso aprobetxamendurako lurrak daudela azpimarratu du.
Calin erail duten gasteiztarraren gurasoak gaur iritsiko dira Kolonbiara
Ikerketak zabalik jarraitzen du eta lapurretarena da hipotesi nagusia.