Cabezudoren auzia Youtubeko irudiak ez kentzeagatik instrukziora itzuliko da
Kote Cabezudoren aurkako auzia, ustez Youtubeko kanaletik adingabe baten irudiak kentzeko agindu judiziala desobeditzeagatik, instrukzio-epaitegira itzuliko da, gaur argazkilariaren kontrako epaiketa laugarren aldiz eten ostean.
Auziko iturriek jakitera eman dutenez, gaur goizean Donostiako Zigor Arloko Epaitegi batean izan da saioa; ateak itxita eta normaltasun osoz egin dute, harik eta aldeen behin betiko ondorioak aurkeztu arte.
Puntu horretan, amaieratik oso gertu, Fiskaltzak eta akusazio partikularrak, behin betiko bihurtu dituzte euren ondorioak, baina Cabezudoren abokatuak horiek aldatzea erabaki du, eta behin-behineko defentsaren idatzia luzatzea erabaki du.
Iturriek deskribatu dutenaren arabera, hori ezinezkoa izan da, ez baitzegoen defentsa idatzirik. Hori dela eta, abokatuak etenaldi bat eskatu du, eta, hori amaitzean, zantzu nahikoak ekarri ditu, agiria behar bezala aurkeztu zuela egiaztatzeko, eta, ondorioz, auzia baliogabetzeko eskatu du.
Egoera horren aurrean, magistratuak gaia instrukzio-epaitegira itzultzea erabaki du, defentsaren idatzia aurkezteko unera hain zuzen ere. Horren ondoren, auziak jarraituko du beste ahozko epaiketa baterako data ezarri arte.
Auzia atzeratzen den laugarren aldia da. Lehenengoa 2021eko martxoan izan zen, defentsak auzi nagusiaren dokumentu bat eransteko eskatu ondoren; bigarrena, urte hartako urrian, oporrak medio, aditu bat ez zegoelako; eta hirugarrena 2022ko martxoan, Gipuzkoako Auzitegian Cabezudoren aurkako auzi nagusiaren epaiketa egiten ari zirelako.
Hain zuzen ere, auzi horretan 28 urtetik gorako zigorra ezarri zioten bortxaketa, sexu abusu, haur pornografiako sei eta iruzurreko bi delitu egotzita.
Egun, argazkilaria espetxean dago, auzi nagusitik bereizitako garrantzi txikiagoko hainbat konturengatik. Erabaki horren aurka Auzitegi Gorenean helegitea aurkeztu zuten defentsak eta akusazio partikularrak (biktimak). Fiskaltzak, ostera, ez du errekurtsorik jarri.
Gaur eten duten saioa auzi nagusitik at dauden kausa txikiago horietako bati dagokio.
Zure interesekoa izan daiteke
Pantailak Euskaraz plataformak txalotu egin du ETB1 ONen haurrentzako edukiak eskaintzeko erabakia
Apirilaren 13tik aurrera, EITBk bikoiztu egingo du ETB1 ONen seinalea, eta 07:00etatik 19:00etara haurrentzako euskarazko edukiak eskainiko ditu, etenik gabe, telebista konbentzionalean.
Ehunka herritarrek Berrizen atzo izandako hilketa matxista saiakera salatu dute
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.