INDARKERIA MATXISTA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

41 urteko gizon batek 30 urteko bikotekidea hil du Caceresen

Hiltzaileak berak deitu dio Poliziari hilketaren berri emateko, eta berehala atxilotu dute. Indarkeria matxistarekin lotutako aurrekariak zituen.

AGENTZIAK | EITB MEDIA

Azken eguneratzea

41 urteko gizonezko batek 30 urteko bikotekide emakumea hil du bart Caceresko Valencia de Alcantara herrian.

Guardia Zibilak ohar bidez jakitera eman duenez, bikotearen etxebizitzan izan da hilketa, 00:25 inguruan. Antza, ustezko erasotzaileak berak telefonoz deitu dio Poliziari erasoaren berri emateko.

Abisua jaso ondoren, larrialdi zerbitzuetako kideak esandako lekura joan dira, baina emakumea tokian bertan hil da. Ustezko erasotzailea han zegoen, eta atxilotu egin dute. Biktimak aurrez ere jarrita zituen erasotzailearen kontrako salaketak, indarkeria matxistagatik.

Emakumearen gorpua Caceresko Medikuntza Institutura eraman dute autopsia egiteko. Guardia Zibilak ikerketa zabaldu du hilketaren nondik norakoak argitzeko.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Gizartea Indarkeria matxista Espainia Indarkeria matxistaren biktimak Eguneko Titularrak

Zure interesekoa izan daiteke

Gehiago ikusi
Publizitatea
X