Europako tenperaturak munduko batez bestekoaren bikoitza baino gehiago igo dira azken 30 urteetan
Europako tenperaturak munduko batez bestekoaren bikoitza baino gehiago igo dira azken 30 urteetan, Munduko Meteorologia Erakundeak egindako txosten baten arabera.
Datu horiek bat datoz eitb.eus-ek urrian egindako eguraldiaren erradiografiarekin: 2022ko urrian Euskal Herriko zazpi estaziotan jasotako tenperatura maximoen batezbestekoa 24,3 gradukoa izan da; horrek esan nahi du aurreko bost urteetako urrietan izandako maximoen batezbestekoa baino 4,5 gradu altuagoa izan dela.
Zehazki, Europako tenperaturak nabarmen egin du gora 1991-2021 aldian, hamarkada bakoitzeko +0,5 °C inguruko batez besteko erritmoan.
Ondorioz, Alpeetako glaziarrek 30 metroko izotz-lodiera galdu dute 1997 eta 2021 artean, eta Groenlandiako izotz-mantua urtzen ari da; horrek itsas mailaren igoera bizkortzen laguntzen du.
Hala ere, dokumentuaren arabera, Europako hainbat herrialdek berotegi efektuko gasen isuriak nabarmen murriztea lortu dute. Europar Batasunak, 1990 eta 2020 artean, gas mota horren isuriak % 31 murriztu zituen, eta 2030erako isuriak % 55 murrizteko helburu garbia ezarri du.
"Europa berotzen ari den mundu baten isla da, eta ondo prestatutako gizarteak ere muturreko fenomeno meteorologikoen ondorioetatik salbu ez daudela gogorarazten digu. Aurten, 2021ean bezala, Europako eremu zabaletan eragin handia izan dute bero bolada handiek eta lehorteek, eta baso suteak elikatu dituzte. 2021ean, ezohiko ur goraldiek heriotza eta suntsipena eragin zuten", azaldu du Petteri Taalas MMEko idazkari nagusiak.
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.