Aire espazioan murrizketak eragin dituen suziri txinatarra Ozeano Barean erori da
Enaire Espainiako aire nabigazioaren kudeatzaileak bertan behera utzi ditu gaur goizean aire espazioan ezarri dituen murrizketak. Kontrolez kanpo zegoen Txinako suziri baten hondarrak atmosferan sartu direlako hartu du erabakia, baina arriskua igarota, debekua altxatu du.
Gaur goizean, Txinako CZ-5B espazio objektuaren orbitaren bi aldeetan 100 kilometroko aire eremua ixteko agindua eman du Enairek. Ondorioz, Nafarroan, Gaztela eta Leonen, Errioxan, Aragoin, Katalunian eta Balear uharteetan, aire jarduera eten dute 08:38tik eta 09:38ra.
Suziriak 17 eta 19 tona arteko pisua du, eta, une oro, Espainiako eta nazioarteko hainbat erakundek egin dute bere jarraipena, Enairek ohar batean adierazi duenez.
Arriskua igarota, 10:30ak aldera, aireportuak apurka-apurka lanean hasi dira. Hala ere, aire nabigazioaren kudeatzaileak azaldu duenez, zirkulazioa eteteak atzerapenak eragingo ditu egun osoan, eta ez soilik aipaturiko aireportuetan.
Adibidez, Aenak jakinarazi du atzerapenak izan direla Bilboko aireportuan programatutako hainbat hegalditan. Zehazki, atzerapenarekin iritsi dira Sevillatik, Alacantetik, Tenerifetik, Lisboatik, Madrildik, Frankfurtetik eta Istanbuletik zetozen hegaldiak. Bestalde, Madrilera zihoan hegaldi bat aurreikusi baino beranduago atera da, eta Bilbotik Malagara joatekoa zen beste hegaldi bat Santanderrera desbideratu behar izan dute.
Ameriketako Estatu Batuetako Armadaren arabera, kontrolik gabeko suziri txinatarra Ozeano Barearen hegoaldean erori da.
BIDEOA: Long March-5B Txinako espaziontziaren zatiak eragindako kaosa ulertzeko gakoak
BIDEOA: Ehunka mila zabor zati dabiltza kontrolik gabe lurraren inguruan biraka
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.