Lau hildako izan dira ezkontza baten ostean nahita egindako harrapaketa batean, Madrilen
Lau pertsona hil dira larunbat gau honetan Madrilgo Torrejon de Ardoz udalerrian, nahita egindako harrapaketa batean, Polizia Nazionaleko iturriek jakinarazi dutenez. Hiru pertsona atxilotu dituzte harrapaketa horren erantzuleak direlakoan.
Jazoera 02:44ean gertatu da, aipatutako udalerrian kokatuta dagoen El Rancho jatetxearen irteeran. Ezkontza bat ospatu dute bertan, jarraian liskarra izan da, eta auto batek nahita hainbat pertsona harrapatu ditu. 70 urteko emakume bat eta 40, 60 eta 17 urteko hiru gizonezko dira biktimak, eta harrapaketak eragindako kolpeengatik hil egin dira, larrialdi zerbitzuek jakitera eman dutenez.
Gainera, beste lau pertsona oso larri daude, beste bi larri izan daitezkeenak eta beste bi zauritu arin. Larrialdietarako zerbitzuek 22 anbulantzia mobilizatu ditu, eta psikologo batek hainbat senide artatu ditu, antsietate-krisi batek jota zeudelako.
Polizia Nazionalak ikerketaren ardura hartu du, eta laguntza eskatu die Madrilgo Erkidegoari eta Guardia Zibilari. Hortaz, 04:00ak aldera harrapaketaren ustezko egileak aurkitu dituzte Seseñan (Toledo). Ibilgailuak beira apurtuta zeukan eta aurreko kolpe-leungailua falta zitzaion.
Atxilotuak familia bereko hiru kide dira: aita eta semeetako bi, Polizia Nazionalak zehaztu duenez. Jazotakoa ikertzen jarraitzen dute, eta atxilotuak datozen orduetan eramango dituzte epailearen aurrera.
Zure interesekoa izan daiteke
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.