FC Bartzelonako jarraitzaileek istiluak eragin, eta hiru zauritu utzi dituzte Iruñean
FC Bartzelonako eskuin muturreko jarraitzaile batzuek (Boixos Nois) istiluak eragin dituzte gaur arratsaldean Iruñean, Sadarren jokatu beharreko partida hasi baino ordu batzuk lehenago.
Udaltzaingoaren iturriek jakitera eman dutenez, Osasunako jarraitzaileak sarri joaten diren taberna batean hiru pertsona zauritu dira, eta Nafarroako Unibertsitate Ospitalera eraman behar izan dituzte.
Erasoa 17:30-17:45 artean gertatu da. Pertsona talde bat tabernara sartu da, eta makilekin eraso egin diete barruan zeudenei, Iruñeko Udaltzaingoak jakinarazi duenez. Gainera, bengala bat jaurti dute inguruetan, eta suhiltzaileak bertaratu behar izan dira.
Gertakariak Iturrama auzoko San Joan Bosco kaleko taberna batean jazo dira. Taberna horrek kalte handiak jasan ditu, aipatu iturriaren arabera. Oraingoz, ez dute inor atxilotu.
Hasiera batean, udaltzainak, anbulantziak eta, ondoren, Espainiako Polizia bertaratu dira.
Talde gorritxoak gaitzetsi egin ditu liskarrak, kaltetuei elkartasuna adierazi die, eta erasoa jasan duten zaleen esanetara jarri da.
Osasunak berretsi egin du kirolean indarkeria, arrazakeria, xenofobia eta intolerantzia zantzu ororen aurka dagoela, eta gaur gaueko partida normaltasun osoz igarotzea nahi duela errepikatu du.
FC Bartzelonak ere ohar bat kaleratu du, "Iruñean zale ultrek arratsaldean egindako bandalismo ekintzak deitoratu eta gaitzesteko".
"Joan Laporta presidentea Luis Sabalza Osasunako presidentearekin harremanetan jarri da, Nafarroako taldeak zale erradikalen artean gertatutakoaren aurrean gaitzespena partekatzeko", gaineratu du Kataluniako taldeak.
Iruñeko Sortuk Ezpala tabernak "eraso faxista" pairatu duela salatu du Twitter sare sozialean. Langile zein herritar zaurituei "elkartasun osoa" adierazi die alderdi abertzaleak. "Faxisten inpunitatearen aurrean Euskal Herria Antifaxista!!", aldarrikatu du.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.