Ospitaleetako presioak eta hildakoen kopuruak behera egin dute EAEn
Covid-19aren eraginez, 10 pertsona hil dira Euskal Autonomia Erkidegoan (EAE) azken astean, azaroaren 7tik 13ra doan horretan, Eusko Jaurlaritzako Osasun Sailak jakinarazi duenez. Aurreko astean, 11 izan ziren zendutakoak.
Osasun Sailak gaur kaleratu du azken buletin epidemiologikoa, eta, horren arabera, hobera egin du Osakidetzako ospitaleetako egoerak. Izan ere, guztira 181 pertsona daude ospitaleratuta, aurreko astean, aldiz, 201 ziren. Zehatz jarrita, 171 gaixo daude gela arruntetan (aurreko astean, 193 ziren, 22 gehiago) eta 10 ZIUn daude, aurreko astean baino 2 gehiago (zortzi ziren orduan).
Era berean, 11.236 proba diagnostiko eginda, 1.442 positibo berri zenbatu dituzte, aurreko astean baino 201 gehiago. 60 urte baino gehiagoko biztanleen artean (proben erdia baino gehiago eurei egiten dizkiete) ere, gora egin du positiboen kopuruak: 867 izan dira, aurreko astean baino 64 gehiago. Dena dela, adin tarte horri dagokion intzidentzia tasak behera egin du azken astean: 100.000 biztanleko 14 eguneko tasa 248,16koa da, aurrekoan baino 25 puntu txikiagoa.
Ifrentzuan, oinarrizko birsorkuntza tasak (R0 delakoa) gorako bidea hartu du berriro, eta 1,06an dago. Positibo batek kutsa dezakeen pertsona kopurua adierazten du indize horrek eta 1etik behera egotea gomendatzen dute epidemiologoek. Urriaren amaieratik, langa horren azpitik zegoen, baina, esan bezala, gora egin du azken egunetan.
Albiste gehiago gizartea
Milaka pertsona atera dira gaur kalera Hego Euskal Herrian, Palestinaren alde
Gasteizen, Bilbon eta Iruñean arratsaldeko zazpietan abiatu dira Palestinaren aldeko Borroka Eguna dela eta antolatutako mobilizazioak. Deialdia Gazarako Mugimendu Globalak eta Global Sumud Flotillak egindako nazioarteko ekimenari erantzunez gauzatu da, “Apur dezagun Gazako blokeoa. Defenda dezagun Global Sumud Flotilla” lelopean. Goizean ere, protesta egin dute Gasteizen, Legebiltzarraren kanpoaldean.
Komunitate palestinarrak genozidioaren aurkako manifestazioa deitu du asteazkenerako Zinemaldian
Palestina-Euskal Herria Elkartasun Batzordeak “The Voice of Hind Rajab” filmaren proiekzioa baliatuko du Israelen erasoa eta horren inguruko isiltasun “konplizea” salatzeko Donostiako kaleetan.
Donostiako masajistak ukatu egin ditu sexu-erasoen akusazioak
Fiskaltzak eta akusazio partikularrek 45 urteko kartzela-zigorra eskatu dute akusatuarentzat.
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".