"Bai bakarrik da bai" legeak aukera ematen dio Fiskaltzari Arandina auzian 10 urteko zigor eskaerari eusteko
Fiskaltzaren arabera, "Bai bakarrik da bai" legeak Arandina futbol taldeko bi jokalariren kontrako auzian 10 urteko espetxe zigorra eskatzen jarraitzea ahalbidetzen du.
Ministerio Publikoak txosten bat bidali du, Auzitegi Gorenak eskatuta, Sexu Askatasunaren Berme Integralaren Legeak Arandina auziko epaiari nola eragiten dion aztertzeko. Legeak sartu duen zigor tarte berria aztertu ondoren, Fiskaltzak eutsi egin dio Carlos Cuadrado, Lucho eta Victor Rodriguez, Viti jokalari ohiei zigorrak 10 urtera igotzeko egindako eskaerari. 4 eta 3 urteko espetxe zigorra ezarri zien, hurrenez hurren, Gaztela eta Leongo Justizia Auzitegi Nagusiak.
Fiskaltzak azaldu duenez, sexu abusuaren delitua ezabatu zuen "Bai bakarrik da bai" legearen arabera, 16 urtetik beherako adingabearen aurkako sexu erasotzat hartuta, 10 urteko eskaerari eutsi ahal zaio, delitu hori 6 eta 12 urte bitarteko kartzela zigorrarekin zigortuta baitago.
Gainera, Gorenak errekurtsoa onartzen ez badu eta Gaztela eta Leongo ANk aurreikusitako aringarria baliogabetzen ez badu, Fiskaltzak uste du lege berriak ez lukeela ekarri beharko ezarritako zigorrak murriztea.
2019ko abenduan, Burgosko Auzitegiak 38na urteko kartzela zigorra ezarri zien Arandinako hiru jokalari ohiri, 2017an adingabe bati sexu erasoa egitea egotzita. Ondoren, Gaztela eta Leongo Auzitegi Nagusiak horietako bat absolbitu zuen, eta beste biren kontrako zigorrak murriztu zituen, sexu abusu delitu baten erantzule zirela iritzita, eta ez erasorena. Gainera, aringarri bat ezarri zien auzipetuen eta biktimaren adinen hurbiltasunagatik eta heldutasunagatik. Bere garaian, epaia Auzitegi Gorenean errekurritu zuten.
Zure interesekoa izan daiteke
Hiru hildako eta gaixotu bat ustez hantabirusagatik kruzero batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago aztoratzeko arrazoirik".
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
45 urteko espetxe zigorra eskatu du Fiskaltzak hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 8 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.
Lehiaren Euskal Agintaritzak isunak jarri dizkie eskola garraioko 31 enpresari, Hezkuntza Sailari boikota egiteagatik
2023-2024 ikasturterako lehiaketan, Gipuzkoako ibilbideak baino ez ziren esleitu. Horregatik, Eusko Jaurlaritzak agindu bat argitaratu zuen, aurretik Bizkaian eta Araban esleipendun izan ziren enpresak zerbitzua betetzera behartzeko.
Aldentze aginduen inguruan zeukan protokoloa aldarazi zion Ertzaintzari Maialen Mazonen hilketak
Maialen "arrisku handiko" biktima zen indarkeria matxistarekin lotutako kasuak aztertzen dituen Estatuko VioGen sistemaren arabera. Ertzaintzak, ordea, "arrisku txikiko" biktimatzat jo zuen. Antza denez, Polizia Nazionalaren VioGen sistemako eta Ertzaintzaren EVA sistemako artxiboak ez zetozen bat. Bestalde, Ertzaintzak berak kasuaren inguruan egindako balorazioak ere huts egin zuen.
2025ean 13.297 haur jaio ziren EAEn, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Bi pertsona atxilotu dituzte Donostiako Herrera auzoko pabiloi batean izandako suteagatik
Sua goizaldean piztu da, Zardoya fabrika zaharreko gela batean. Ondorioz, lau pertsona zauritu dira eta horietako bat Donostia Ospitalera eraman dute. Hiru lagun tokian bertan artatu dituzte, kea arnasteagatik. Lehen ikerketen arabera, sutea nahita piztu dute.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.