Zigorrak berrikustea "derrigorrezkoa" da, dio Auzitegi Gorenak, "Bai bakarrik da bai" legearekin
Auzitegi Gorenak argi utzi duenez, "derrigorrezkoa" da zigorrak berrikustea, sexu delituetan, kontuan izanik "Bai bakarrik da bai" legea indarrean dagoela; izan ere, lege hori "mesedegarriagoa" da errudunarentzat, eta zigorrak berresteak dakar errudunarentzako mesedegarriena den legea ezartzearen atzeraeragina ezartzea. Hala, Gorenak Arandina futbol taldeko bi jokalari ohiren kontrako zigorra ezartzen duen epaia argitaratu du. 2017an, sexu erasoa egin zioten adingabe bati, eta Fiskaltzak hamar urteko zigorra eskatzen zuen, baina zigorra bederatzi urtekoa da; Gorenaren iritziz, errudunarentzako mesedegarriena den araua ezarri behar da, alegia, "Bai bakarrik da bai" legea.
Epaian (azaroaren 29an aurreratu zuten hori), Gorenak aintzat hartu du Ministerio Publikoaren helegitea, eta biktimaren eta auzipetuen arteko adin hurbiltasunaren aringarria kendu du; Gaztela eta Leongo Justizia Auzitegi Nagusiak ezarria zuen aringarri hori. Dena dela, epaiak ez ditu ezarri Fiskaltzak eskatutako hamar urteak, "Bai bakarrik da bai" legeak bederatzi urte ezartzea ahalbidetzen duelako.
Lege horri dagokionez, alegia, Sexu Askatasunaren Berme Integraleko Legeari dagokionez, Gorenak dio "derrigorrezkoa" dela zigorra testu berrira egokitzea, "errudunarentzako mesedegarriena den zigor legearen atzeraeragina ezartze aldera; geroko legea mesedegarriagoa balitz, hemen gertatzen denez, hala egin behar da". Argi utzi du, halaber, horrek, gauzatze fasean dauden zigorrei ez ezik, beste hauei ere eragiten diela: epai diktaketa fasean daudenei eta epaiketaren amaieran daudenei, apelazio edo kasazio errekurtsoetako fasean daudenei. "Lege berriaren arabera, aztertu beharko da ezartzeko moduko zigorra mesedegarriagoa izan litekeen".
Horregatik, Arandina Auzian "orain ezarritako zigorra erruduntasunaren proportzionaltasuna ezartzeko moduko zigorrera egokitzearen ondorioa da".
Arlo teknikoago batean, epaiak azaltzen du gertakariak, arau berria indarrean dagoela, 16 urteko adingabe bati egindako sexu eraso delitua direla, kopulazioagatik. Aurreko arauarekin, zigorra 8 eta 12 urte artekoa izan zitekeen goi erdian, hau da, 10-12 urtekoa; orain, zigorra 6 eta 12 urte bitartekora murriztu egin da goi erdian, alegia, 9 eta 12 urte artekoa, gehienez.
Gorenaren esanetan, Fiskaltza saiatu zen gutxieneko zigorra ezartzen, orduan 10 urtekoa, baina kontua da orain gutxieneko zigor hori 9 urtekoa dela. Hori da ezarri dutena.
Angel Luis Hurtado magistratuaren boto partikularra du epaiak. Horren iritziz, auzipetuen eta biktimaren arteko adin gertutasunaren aringarriari eutsi behar zioten. Hala ere, ados dago gainerako magistratuekin, eta uste du arau berria hartu behar dutela kontuan, errudunarentzat mesedegarriagoa baita. Honakoa ohartarazi du: "Hemendik aurrera, legegileak erabaki badu jokabide bateko zigorra, ez du ematen koherentea denik nahi horren aurka egiteko moduen bila ibiltzea. Errudunak ez du zertan jarraitu pairatzen arau berri horrekin bat ez doazen ondoriorik".
"Lege aginduagatik, arau berrira egokitu beharko da, eta zigorra bereizi, baldin eta mesedegarriagoa bada", ondorioztatu du.
Zure interesekoa izan daiteke
Epailearen aurrera eraman dute Astigarragan, emazteari ohiko tratu txarrak ematea egotzita, atxilotu duten gizona
Dirudienez, azken bost egunotan birritan saiatu da erasotzailea emaztea itotzen, eta objektu gogor batekin kolpatu du.
Epailearen esku utzi dute Usurbilen bezero bati sexu-erasoa egin eta legez kanpo atxiki izana egotzita atxilotutako VTCko gidaria
Biktimak alokairuko ibilgailu gidaridun bat eskatu zuen Usurbilera joateko. Bertara iritsi zirenean, baina, gidariak ibilgailua aparkatu zuen eta ukituak egiten hasi zitzaion.
200 lagun inguruk manifestazioa egin dute Ceutan, bizilagun elkarteek protestak bertan behera utzi arren
Espaiako Gobernuaren kudeaketaren aurka protesta egiteko manifestazioa deituta zegoen larunbat gauerako, baina bertan bertan behera geratu da "talde ultrak" iritsi direla jakin ostean. Iluntzean sareetatik deitutako protesta bat izan da, ordea.
22 urteko gizon bat hil da Zurriola hondartzan, arrantzan ari zela
Oraindik argitzeke dauden arrazoiak tarteko, Zurriola eta Monpas artean arrantzan ari zela uretara erori da.
Idiazabalgo Udalak bi txerri vietnamdarren jabeak agertzeko deia egin du
Idiazabalen, bi txerriren presentziak kezka piztu du. Udalaren arabera, txerri horiek espezie inbaditzaile batekoak dira eta, horregatik, Gipuzkoak Foru Aldundiko basozainek harrapatu eta kontrolpean dituzte, jabeak azaldu bitartean.
Barakaldon falta den 77 urteko gizon baten bila ari dira
Ostiral honetan ikusi zuten azkenekoz, Barakaldoko San Bizente auzoan. Alzheimerra du.
53 urteko txirrindulari bat hil da Zaratamon
Istripua 13:00a baino lehentxeago gertatu da, Zaratamo eta Arrigorriaga lotzen dituen BI-3702 errepidean. Ordu horretan, txirrindulari bat lurrean botata zegoela jakinarazi diote Ertzaintzari, Segurtasun Sailak jakitera eman duenez.
Nekatuta baina festarako gogotsu daude oraindik Bilbon
Bilboko Aste Nagusia azken txanpan sartu da. Bihar, igandea, esango du agur Marijaiak datorren urtera arte, baina musika, ikuskizunak, jai giroa eta mota guztietako ekitaldiak izango dira oraindik.
90 urte bete dira Eibar bonbardatu zutenetik
Gaur 90 urte dira Francoren aldeko matxinatuek Eibar lehenengoz bonbardatu zutenetik. Erasoak ustekabean hartu zituen eibartarrak, eta ondoren etorriko zenerako prestatzera behartu zituen. Izan ere, hurrengo hilabeteetan beste 28 bonbardaketa jasan behar izan zituzten.
Ceutan krabelinak jaurti dituzte Espainiako Gobernuaren Ordezkaritzaren aurrean
Krabelinak eta Ceutako eta Espainiako banderak eskuan, ehunka pertsona atera dira kalera bart hiri autonomoan. Modu baketsuan egin duten ibilbidean zehar, Espainiako Gobernuaren Ordezkaritzaren aurrean geldialdia egin, eta krabelinak jaurti dituzte.