Eibarko Udalaren "… euskaraz eta kitto!" bando arrakastatsuak 40 urte bete ditu
"... dei eta deiadar egiten zaio euskaldun jendeari euskara gure hizkuntza gaurdanik bertatik erabiltzera etxean zein jendaurrean, Eibar herri euskalduna izatea lortu arte arrazoizko epe batean. Ez da atxakiarik ez mintzatzeko ezagutzen eta maite den hizkuntzan. Horregatik aldarrikatzen dugu: euskaraz eta kitto!". Hala zioen, hitzez hitz, gaur 40 urte Eibarko Udalak plazaratu zuen bando bereziak, euskal hiztunak euskaraz hitz egitera bultzatzen zituenak.
Euskararen aldeko sentsibilizazio kanpaina baten erdian zabaldu zuten bandoa, eta oihartzun handia izan zuen. Herrian bertan ez ezik, inguruko herri askotara iritsi zen agiria, eta orduko prentsan ere leku nabarmena hartu zuen gaiak.
ETBko artxibotik errekuperatutako bideoan, Estepan Aldamiz kazetariak 1982an Eibarko alkate zen Mikel Larrañagari egindako elkarrizketa ekarri dugu gogora. Bertan, Larrañagak ekimenaren helburua azaldu zuen: "... aldaba batekin herritarrei buruan jotzea nahi izan dugu, euskara dakigunok behintzat euskara erabili dezagun".
Eibarko Udalak eta Eibarko Udal Euskaltegiak abian jarritako kanpaina, garai hartako testuinguruan, ekimen berritzailea eta deigarria izan zen. Zorion mezu ugari jaso zituen alkateak, tartean, Ramon Labaien orduan Donostiako Alkatea zenaren telegrama, honako hitz hauekin: "Euskarari buruzko Bandoa dela eta, har itzazu nire zorionik beroenak".
Gerora, bandoan plazaratutako azken hitzak Eibarko euskara elkarteari izena jartzeko erabili zituzten, eta 1992tik, ... eta kitto! Euskara Elkartea ari da 40 urte lehenago bando batean kaleratutako mezuari eusten, euskararen erabileraren aldeko lan etengabean.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.