San Frantzisko auzoan izandako hilketa matxista gaitzetsi dute Bilboko Udalak eta Bizkaiko Batzar Nagusiek
Bizkaiko hiriburuan gaur goizean izan den hilketa matxista gogor gaitzetsi du Bilboko Udalak, eguerdian kaleratu duen ohar instituzional baten bidez. Gertakari horrek eragindako "samina eta ezin ulertua" adierazi ditu Udalak eta biktimaren senideei eta lagunei "sostengua" helarazi die.
Udal talde guztiek onartutako oharrak jasotzen duenez, "milaka emakumek zuzenean pairatzen dituzten egoera horiek gure gizartean eta gure eguneroko bizimoduan txertatuta dago". "Heriotza hau indarkeria matxistaren adierazpiderik larriena da, baina egunez egun asko dira emakumeen kontra zuzentzen diren jarrerak eta adierazpenak, eta horiek guztiak gaitzestekoak eta arbuiatzekoak dira", gehitu dute.
Gaurko hilketa salatzeko, elkarretaratzea deitu du biharko Bilboko Udalak, eta herritarrak bertan parte-hartzera deitu ditu. 12:00etan egingo dute bilkura, udaletxearen eskaileretan. "Eraso hau salatzeko, eraso guztiak eta bereziki emakumeen aurka egindakoak errefusatzeko, eta Bilbok zein bilbotarrek bake bidezko elkarbizitzaren eta berdintasunezko eta indarkeriarik gabeko gizartearen aldeko apustua egiten dutela aldarrikatzeko, bihar, osteguna, 2022ko abenduak 29, 12:00etatik aurrera, Bilboko Udaletxeko eskailera nagusian egingo den bost minutuko elkarteratze isilean parte hartzera dei egin nahi dugu".
Halaber, Juan Maria Aburto Bilboko alkateak gaurko osoko bilkuran jakinarazi duenez, Udala herri akusazio gisa aurkeztuko dela, gaurko hilketa argitzeko auzian.
Bide beretik, Bizkaiko Batzar Nagusiek ere irmoki gaitzetsi dute gaur Bilbon izan den hilketa matxista. Gernikako Batzar Etxean goizean egin duten saioan, talde guztiek aho batez salatu dute gertatutakoa eta elkartasuna adierazi diete biktimaren etxekoei.
Datozen ordu eta egunotan antolatuko diren protesta ekintzetan parte hartzera deitu dituzte herritarrak.
Ustezko hiltzailea, atxilotuta
45 urteko emakume bat hil du gizon batek Bilboko San Frantzisko auzoko taberna batean. Biak ziren tabernako arduradunak. Udaltzaingoak eta Ertzaintzak 44 urteko ustezko egilea atxilotu dute. Gizonak berak deitu omen dio Udaltzaingoari 09:00etan.
Atxilotua Ertzaintzaren esku utzi dute, eta hura arduratuko da, orain, hilketa horren arrazoiak argitzeaz. Oraingoz ez da ezagutzen zein den biktimaren eta erasotzailearen arteko harremana.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.