Gorenak zigorra murriztu die Osasuna auziko bederatzi kondenatuei
Auzitegi Gorenak espetxe zigorrak murriztu dizkie Osasuna auzian kondenatutako bederatzi pertsonei. Hain zuzen ere, 10 hilabete eta 5 urte arteko kartzela zigorrak ezarri dizkie.
Nafarroako Auzitegiak frogatutzat jo zuen Osasuna futbol taldeko zuzendaritzako zenbait kidek dirua eman zietela Antonio Amaya eta Xavi Torres Betiseko jokalariei, "kirol lehiaketaren emaitzak manipulateko".
- Miguel Angel Archanco, Osasuneko presidente ohia: 5 urte eta 6 hilabeteko espetxe zigorra eta 418.000 euroko isuna (Nafarroako Auzitegiak 6 urte eta 8 hilabeteko kondena ezarri zion)
- Angel Maria Vizcay Ventura, gerente ohia: 5 urte eta 7 hilabeteko zigorra eta 221.700 euroko isun (lehen, 8 urte eta 8 hilabetekoa zuen)
- Juan Antonio Pascual Leache, presidenteorde ohia: 4 urte eta 10 hilabeteko zigorra eta 413.500 euroko isuna (lehen, 5 urte eta 6 hilabetekoa)
- Jesus Peralta Garcia, zuzendaritzako kide ohia: 5 urteko zigorra eta 418.000 euroko isuna (lehen, 6 urte eta 8 hilabetekoa)
- Sancho Bandres, diruzain ohia: 4 urteko zigorra eta 18.000 euroko isuna (lehen, 5 urte eta 6 hilabetekoa zuen)
- Cristina Valencia eta Albert Nolla, enpresaburuak: 6 hilabeteko zigorra eta 5.400 euroko isuna (lehen, 9 hilabeteko zigorra zuten)
- Antonio Amaya eta Xavier Torres, Betiseko jokalari ohiak: 10 hilabeteko zigorra eta 400.000 euroko isuna (lehen, urte bateko zigorra zuen).
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.