Aita Marik 40 pertsona erreskatatu ditu Mediterraneoan
Aita Mari ontziak 40 pertsona erreskatatu ditu Mediterraneoan zihoan burdinazko txalupa batetik, Itsas Salbamendu Humanitarioa (SMH) erakundeak jakinarazi duenez. Erreskatatutako pertsonen artean 7 hilabete eta 2 urteko bi adingabe daude, baita 11 emakume ere.
Erreskatea Lampedusa uhartetik (Italia) 44 miliara egin dute. Itsas salbamenduko ontzia Ortonako porturantz doa.
SMHk ohar batean azaldu duenez, agintariek lehorreratzeko portu gisa izendatu dute, oraingo honetan erreskateko tokitik 750 miliara, eta horrek nabigaziorako egun batzuk eskatzen ditu, "itsas legeen aurka, eta horrek areagotu egiten du migrazio-prozesu oso gogorretan hilabeteak daramatzaten eta oinarrizko eskubideak etengabe urratuta dituzten pertsonen sufrimendua".
Handik ordu gutxira, itsasontzitik antzeko beste ontzi bat ikusi dute 40 bat lagunekin, baina Italiako kostazainek hartu dute erreskatearen ardura.
Aita Mari Castellotik (Valentziako erkidegoa) abiatu zen otsailaren 9an, bederatzigarren misioan. Aurretik, 2022ko ekainean egin zuen aurrekan, 113 pertsona erreskatatu zituen, eta Asier Sanchez EITBko kazetaria lekuko izan zen. Bizitakoa Review: Aita Mari formatu digital berritzailean bildu zuen. Atal guztiak EITBren Youtubeko kanalean daude jada eskuragarri.
Euskal ontziak bederatzigarren misioko bere lehen erreskatea otsailaren 16an egin zuen: egurrezko ontzi txiki batean pilatuta eta "arrisku bizian" zeuden 31 pertsona salbatu zituen. Erreskatatutako lagunen artean, 10 ume zeuden, lau haur txiki eta hiru hilabeteko haurtxo bat tartean. Bi egun geroago, Civitavecchiako (Italia) portuan lehorreratu zituen.
Zure interesekoa izan daiteke
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Maialen Mazonen hilketaren epaiketa martxan da, herri-epaimahaia hautatuta
Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik, hamasei urte bi abortu delituengatik (bikiez haurdun zegoen, zortzina urteko zigorra ezarri nahi diote) eta 4 urte adingabea abandonatzeagatik.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.
Lehiaren Euskal Agintaritzak isunak jarri dizkie eskola garraioko 31 enpresari, Hezkuntza Sailari boikota egiteagatik
2023-2024 ikasturterako lehiaketan, Gipuzkoako ibilbideak baino ez ziren esleitu. Horregatik, Eusko Jaurlaritzak agindu bat argitaratu zuen, aurretik Bizkaian eta Araban esleipendun izan ziren enpresak zerbitzua betetzera behartzeko.
Aldentze aginduen inguruan zeukan protokoloa aldarazi zion Ertzaintzari Maialen Mazonen hilketak
Maialen "arrisku handiko" biktima zen indarkeria matxistarekin lotutako kasuak aztertzen dituen Estatuko VioGen sistemaren arabera. Ertzaintzak, ordea, "arrisku txikiko" biktimatzat jo zuen. Antza denez, Polizia Nazionalaren VioGen sistemako eta Ertzaintzaren EVA sistemako artxiboak ez zetozen bat. Bestalde, Ertzaintzak berak kasuaren inguruan egindako balorazioak ere huts egin zuen.
2025ean 13.297 haur jaio ziren EAEn, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Bi pertsona atxilotu dituzte Donostiako Herrera auzoko pabiloi batean izandako suteagatik
Sua goizaldean piztu da, Zardoya fabrika zaharreko gela batean. Ondorioz, lau pertsona zauritu dira eta horietako bat Donostia Ospitalera eraman dute. Hiru lagun tokian bertan artatu dituzte, kea arnasteagatik. Lehen ikerketen arabera, sutea nahita piztu dute.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.
Auto-ilarak AP-8 autobidean, Basaurin, Donostiarako noranzkoan, istripu baten ondorioz
Ezbeharrak trafiko-arazoak sortu ditu AP-8ko hainbat puntutan, bereziki Malmasingo tuneletan.
Albiste izango dira: Maialen Mazonen ustezko hiltzailearen aurkako epaiketa, Zubietako espetxearen gaineko eskumena aldatzea eta Ekain Ricori elkarrizketa Radio Euskadin
Gaurkoan Orain-en albiste izango direnen laburpena, bi hitzetan.