Sindikatuek ohartarazi dute mobilizatzen jarraituko dutela Osasun Sailak egoera aldatu ezean
SATSE, ELA, LAB, SME, CCOO eta UGT sindikatuak manifestazioak egin dituzte larunbat honetan "Osakidetza defendatzeko eta osasun publikoa desegitearen aurka". Bilboko Jesusen Bihotzetik, Donostiako Bulebarretik eta Gasteizko Andra Mari Zuriaren plazatik abiatu dira martxak, 12:00etan.
Bizkaiko hiriburuko mobilizazioan, Satseko Amaia Mayorrek ohartarazi du mobilizatzen jarraituko dutela "Eusko Jaurlaritzak ez badu gauzak aldatzeko konpromisorik erakusten". Horren harira, sindikatuek salatu dute Gotzone Sagardui buru duen Osasun Saila eta gaurko manifestazioak deitu dituzten sindikatuak biltzen dituen mahai sektoriala "blokeatuta" dagoela.
"Osakidetzaren arazoei buruz hitz egiteko mahaia blokeatuta dago, eta Osasun Sailak nahi duelako dago horrela", kritikatu du Satsek.
Sindikatuak gogorarazi du osasun zerbitzu publikoaren egoera dela euskal herritarren kezka nagusietako bat, "zerbitzuak okerrera egin duela nabaritzen dutelako".
Era berean, langileen "behin behinekotasun tasa altua" gaitzetsi eta "egonkortzea" eskatu du. Horretarako, martxan dauden prozesuak "arin" egitea "ezinbesteko"tzat jo du.
Bestalde, Esther Saavedra ELAko ordezkariak "egiturazko arazoei" aurre egiteko erabakiak hartu behar direla aldarrikatu du, eta "borondate politikoa" eta inbertsio gehiago behar direla. "Ematen ari diren pausoak kontrako norabidean doaz, Europako eta Estatuko batez bestekotik beherako inbertsioekin, eta aseguru pribatuen kontratazioa etengabe ari da hazten", azaldu du.
Gainera, "mediku gabeziaren" atzean "lan-baldintza eskasak" daudela berretsi du. "Osakidetzako langileek lan-baldintza prekarioak dituzte kategoria guztietan: behin behinekotasun tasa % 50etik gorakoa da, sistematikoki jasaten dute gehiegizko lan karga, bajak, erretiroak eta bestelako hutsuneak ez dira betetzen, eta azken urteotan % 20ko galera izan dute erosteko ahalmenean", gaineratu du.
Osakidetzaren aldeko manifestazioa, Donostian. Argazkia: LAB
Ana Tere Alvarez LABekoak, bere aldetik, "murrizketak amaitzea" eskatu du, baina ez hori bakarrik, zeren sindikatuaren ustez, "Osasun Sailaren kudeaketa txarra da osasun publikoa desegitearen" erruduna. Sindikatu abertzaleak uste du Osasun Sailak "gidatutako" mugimendu bat dela, "gure osasun zerbitzuak ez dezan funtzionatu", eta "gure osasun zerbitzua nahita deuseztatzeko".
Bestalde, Iñigo Garduño CCOOren ordezkariak esan du Osasun Sailaren politikak "hondamendi hutsa" direla eta, Osakidetza "desegitea" ezezik, "langileen tratu txarra" direla.
Azkenik, UGTk txalotu egin du EAEko hiriburuetako kaleetan milaka pertsona elkartu izana, horrek agerian uzten baitu Osakidetzako langileak "gogaituta" daudela. "Gainera, Osakidetzako zuzendaritzaren mespretxua eta tratu txarra jasotzen dugu", salatu du.
Alderdi politikoetako ordezkariak ere izan dira hiru manifestazioetan, tartean EH Bildukoak eta Elkarrekin Podemosekoak. Miren Gorrotxateki Elkarrekin Podemosen legebiltzarkideak "herritarren interesengandik urrun" egotea egotzi dio Eusko Jaurlaritzari. "Osakidetza da zaintzen gaituena, nondik gatozen eta zenbat diru dugun begiratu gabe", azpimarratu du.
Euskal Herriko Pentsiodunen mugimenduak ere bat egin du protestarekin, eta Eusko Jauraritzari negoziatzeko eskatu dio, Osakidetzak bizi dituen arazo "larriak" konpontzeko.
Zure interesekoa izan daiteke
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.
Korrika egin, osasuntsu zahartzeko: Fernando eta Leopoldo, 81 eta 76 urterekin atxintxika egiten jarraitzen duten beteranoak
Fernandok 31 Behobia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik ongizate fisikoagatik, gaixotasunak prebenitzen eta sasoiz zahartzea atzeratzen ere laguntzen baitie.