Osakidetzako sindikatuek manifestazioak deitu dituzte otsailaren 25erako Osakidetza "desegitearen aurka"
SATSE, ELA, LAB, SME, CCOO eta UGT sindikatuek manifestazioak antolatu dituzte otsailaren 25erako, "Osakidetza defendatzeko eta osasun publikoa desegitearen aurka". Bilbon, Donostian eta Gasteizen izango dira martxak, 12:00etan, eta antolatzaileek parte hartzeko deia egin diete langileei eta herritarrei.
Sindikatuek salatu dute prekarietatea dela oraindik ere Euskal Autonomia Erkidegoko (EAE) osasun publikoaren arazo handienetakoa: "% 50etik gorako behin-behinekotasuna; hamarkada batean erosteko ahalmenaren % 20tik gorako galera; lan gainkarga sistematikoa; plantilla urria; ordezkapen eza eta lanpostu hutsak ez betetzea; lan baldintzetan murrizketak, hala nola garapen profesionalean aplikatu nahi den murrizketa erradikal eta justifikaziorik gabea".
Era berean, Deustuko, Zumarragako eta San Martingo etengabeko arreta guneetan eta Santiago ospitaleko larrialdietan aplikatutako murrizketek eta Basurtuko ospitaleko bihotzeko kirurgia ixteko proiektuak aurrera jarraitzen dutela gogorarazi dute. Gainera, oporraldietan lehen mailako arretan izaten diren murrizketak "etengabeak" direla salatu dute. "Osakidetzaren kategoria guztietan eta hiru lurraldeetan eragina duten egiturazko arazoen aurrean gaude", ohartarazi dute.
Halaber, lehen mailako arretaren egoera "bereziki prekarioa" dela nabarmendu dute. Kolektibo horrek 2019an ere greba egin zuela gogorarazi dute, orduan pairatzen zuten muturreko egoera salatzeko, baina, ziurtatu dutenez, "egoerak okerrera baino ez du egin hiru urte hauetan".
Bitartean, mahai sektoriala "erabat blokeatuta" dagoela nabarmendu dute. "Osakidetzak ez du erabakitzeko ahalmenik, eta Osasun Sailak ez du sindikatuen aldarrikapenetako bakar bat ere aintzat hartu eta ez die sindikatuen proposamenei erantzunik eman abenduaren 7ko bileraren ondoren. Gainera, Mahai Sektoriala erabili nahi du existitzen ez den negoziazio baten itxura emateko, uda aurretik bultzatutako mobilizazioei jaramonik egin gabe: langileen zein herritarren parte hartze handia izan zuten manifestazio jendetsuak eta lau greba egun", adierazi dute.
Gainera, Eusko Jaurlaritzako Osasun Sailak "osasun publikoa eraisteko bidean sakontzen duten erabakiak" hartzen jarraitzen duela kritikatu dute. Salatu dutenez, 2023ko ekitaldirako Osasun Sailera bideratutako aurrekontua 2022an benetan gastatutakoa baino 20 milioi euro txikiagoa da. "Badirudi Eusko Jaurlaritzaren iritziz 2023an iaz baino premia gutxiago dagoela", gaineratu dute.
Bestalde, herritarrei eskaintzen zaien osasun laguntza eskuratzea "gero eta zailagoa" eta "kalitate txarragokoa" dela nabarmendu dute sindikatuek, eta osasun aseguru pribatuen kontratazioak gora egin izana Osakidetzaren eraispenaren ondorioetako bat dela ziurtatu.
Bada, egoera horren aurrean, SATSE, ELA, LAB, SME, CCOO eta UGT sindikatuek manifestazioak antolatu dituzte otsailaren 25erako Bilbon, Gasteizen eta Donostian, "Osakidetza defendatzeko eta osasun publikoa desegitearen aurka". Mobilizazioak 12:00etan abiatuko dira Jesusen Bihotzaren plazatik Bilbon, Andre Maria Zuriaren plazatik Gasteizen eta Bulebarretik Donostian. Langileei, herritarrei eta gizarte mugimenduei "guztion osasuna defendatzeko" mobilizatzera dei egiten diete.
Zure interesekoa izan daiteke
Lukas Agirreren amak "bidezko zigorra" eskatu du heriotzaren ardura leporatzen dioten bi akusaturentzat
Emozioari eutsi ezinda, Zuriñe Izkok "barruan duten indarkeria eta gorroto" horretatik aldentzea opatu die bi akusatu nagusiei.
Adingabeen suizidio-saiakerak % 22 handitu dira urteko batez beste azken hamarkadan
Pediatriako larrialdietako zerbitzuek ohartarazi dute haurren osasun mentaleko arazoek gorakada handia izan dutela, eta zenbait ospitaletan kasu horiek bikoiztu egin direla azken hamarkadan.
Lizarra ikastolako familiek D ereduko lau ikasgela mantentzea eskatu dute
Guraso talde batek kaleratutako manifestuaren arabera, aurrematrikulen kopuruak ahalbidetzen du datorren ikasturtean D ereduko lau ikasgela izatea HH3n: bina Lizarra ikastolan eta Remontival ikastetxe publikoan.
Abisu horia ezarriko dute euriteengatik, metro karratuko 60 litro arte pila daitezkeelako 24 orduan
Abisua gaur 21:00etan sartuko da indarrean, eta 24 orduz luzatuko da. Horrez gain, Eusko Jaurlaritzak bigarren abisua ezarriko du gauerako, itsasoa zakar ibiliko delako; izan ere, 3,5 metrorainoko olatuak altxatuko ditu.
Sare kriminal bat desegin dute Euskadin kriptodiruko inbertsio faltsuekin 400.000 eurotik gorako iruzurra egiteagatik
Sare sozialen bidez, biktimak bereganatzen zituen, eta kriptodiru-plataforma faltsuetan inbertitzeko konbentzitzen zituzten. Lau atxilotu daude, eta burua omen dena kartzelan sartu dute.
Auto ilarak izan dira N-1 errepidean, Beasain eta Arama artean, Gasteizerako noranzkoan izandako bi istripuren ondorioz
Lau autoren arteko istripua izan da aurrena, Beasasin eta Ordizia artean, eta autoak erretiratu badituzte ere, horrek eragindako auto-ilaretan txapa-istripu bat izan da, eta egoerak korapilatuta jarraitu du.
125 urte, Orion balearen kantua azkenengoz entzun zenetik
125 urte igaro dira euskal balearen azken alea harrapatu zenetik, Orion. Gaur egun, balea-arrantzaren azken pasarte hura mugarri sinboliko bihurtu da herriarentzat. Xabier Alberdi Itsas Museoaren zuzendari zientifikoak egun hartan gertatutakoa azaldu du, eta Euskal Herrian balea-arrantzuak izan zuen garrantzi historikoa azpimarratu du.
Ratioak jaistea eskatzen duen herri-ekimen legegilea iragarri dute Nafarroako eskola publikoaren aldeko plataformek
Nafarroako eskola publikoaren aldeko plataformen iritzian, ikasgeletan haur kopurua txikitzea ezinbestekoa da arreta hobetzeko, eskola porrota murrizteko eta aniztasunari arreta hobea ziurtatzeko. Hori dela eta, herri-ekimen legegilea aurkeztu nahi dute Nafarroako Foru Parlamentuan, ratioak jaisteko eskatuz. Hezkuntza komunitate osoari lankidetzarako deia egin diote. Hasteko, 7.000 sinadura behar dituzte ekimena ganberara eraman ahal izateko.
EAEk hamar aldiz handitu du gaitasun handiko ikasleen detekzioa azken bost urteotan
2019an 747 ikasle zeuden identifikatuta eta gaur egun 7.327 dira; igoera nabarmen hori eskola publiko zein itunpekoetan ezarritako detekzio goiztiarrerako ereduari esker lortu da.
Nelson David Morenok ukatu egin du Bilbon 73 urteko gizona hil izana
Asteazken honetan hasi da Bilbon 2021eko urriaren 5ean zendu zen gizon baten heriotza argitzeko epaiketa. Akusatua 37ko kartzela-zigorra betetzen ari da dagoeneko, beste krimen batzuengatik. Bost gizonen hilketekin lotu dute, baina, ikertzaileen aburuz, 7 krimenen egile izan daiteke.