Elurrak irudi politak utzi ditu eta malutak hiriburuetara iritsi dira, baina apenas arazorik sortu gabe
Iragarrita zegoen —EAE eta Nafarroaren zati handi bat abisu horian daude elurra 100-200 metroan egin dezakeela eta—, eta bete egin da. Elurra egin du Euskal Herriko txoko askotan, baita itsas mailan ere. Horrela, elurra gogor bota du tarteka, irudi politak utziz. Kontxako hondartza ere zuritu du gaur goizean, unetxo batean. Errepideetan, ordea, ia arazorik ez du sortu.
Malutak hiriburuetara iritsi dira. Gasteiz eta Iruñea izan dira, ohi bezala, elurterik handienak izan dituzten hiriak, nahiz eta Donostian malutek Gipuzkoako hiriburuko hondartza batzuk zuritu dituzten. Bilbon, maluta batzuk baino ez dira ikusi, tarteka.
Eusko Jaurlaritzak Neguko Bidezaintza Planaren fase operatiboa aktibatu du, eta, hori dela eta, eskura dauden elurra kentzeko makina guztiak (250 bat) eta bestelako baliabideak martxan jartzeko prest egongo dira.
Hiriburu garaienetan —Gasteiz, 525 metroan, eta Iruñea, 450 metroan— zuritu egin du, eta mara-mara egin du Arabako eta Nafarroako (Iruñerrian, Estellerrian eta Pirinioetan) herri eta mendateetan. Horrez gain, elur pikorrak ikusi dira Bizkaiko eta Gipuzkoako zenbait lekutan.
Errepideetako egoera
Errepide sare nagusian, Leitzarango autobidea (A-15) kamioientzat itxi behar izan dute 10:00etan, Irurtzun eta Andoaingo noranzkoan, elurra pilatu baita errepidean, baina eguerdirako zabaldu dute. Gainerakoan, zabalik daude, baina elurra egin du AP-68an Altuben (Araba), Etzegaraten (Gipuzkoa) eta Barazarren (Bizkaia).
Bigarren mailakoetan, itxi behar izan dituzte Opakua (Araba) eta Na-718 (Lizarra-Olazti), Belaguako mendatea (47. kilometrotik aurrera), Na-2012 (Otsagabia-Irati) eta Na-2011 (Zaraitzu-Frantzia).
Gainera, autoek kateak behar dituzte Herrera, Azazeta eta Orduñan, eta kamioientzat itxi dute. Nafarroan, kateak behar dira Estellerriko bi errepidetan (Na-120 eta Na-7240 errepideetan) eta Pirinioetako lautan (Na-140, Na-2000, Na-176 eta Na-137 errepideetan).
Dena dela, Ertzaintzak eta Foruzaingoak kontuz gidatzeko gomendioa eman dute elurra egin baitu hainbat mendatetan. Honakoak dira: Aiurdin, Altube, Azazeta, Garate, Gatzaga, Gasteizko mendatea, Kruzeta, Urduña eta Zaldiaran (Araba) eta Morga eta Urkiola (Bizkaia).
Bestalde, Foruzaingoak 34 urteko gidari logroñar bat salatu du A-12 errepidetik, Donejakue bideko autobidetik, 204 kilometro orduko abiaduran gidatzeagatik, Lizarraldean eroritako elurtearen erdian.
Hainbat erabiltzaile lehen elur maluten lekuko izan dira:
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.