Pablo Gonzalez euskal kazetariak urtebete egin du Polonian preso
Pablo Gonzalez euskal kazetariak gaur, hilaren 28an, egin ditu 365 egun preso. Duela urtebete atxilotu zuten Ukraina eta Polonia arteko mugatik gertu, Ukrainako gerrak eragindako errefuxiatu krisiaren berri ematen ari zenean. Errusiarentzat espioi lanak egitea leporatzen dio Varsoviak, bi pasaporte (espainiarra eta errusiarra, nazionalitate bikoitza baitu) atzeman zizkiotela argudiatuta.
Gainera, gutxienez beste hiru hilabete, maiatzaren 24ra arte, egon beharko du behin-behineko espetxealdian.
Mugarik gabeko Kazetariak erakundeak azaldu duenez, Poloniak "preso arriskutsutzat" du Gonzalez, eta baldintza "bereziki gogorrak" ezarri dizkio kartzelan: bideozaintza du ziegan, handik irtetean eskumuturrekoak eraman behar ditu une oro, eta espetxe funtzionarioek "egunean hainbat aldiz biluzarazten dute miaketa sakonak egiteko".
Erakundearen arabera, "astean behin bakarrik dutxatzea baimendu zioten, eta dermatologo baten bisita ere ukatu zioten, azaleko arazo bat izan zuenean". Gertukoenen bisitarik apenas jaso du —azaroan joan zitzaion Oihana Goiriena emaztea—, eta lehenak bederatzi hilabete preso zeramatzanean hartu zituen. Gaur-gaurkoz, ez du harreman zuzen eta erregularrik familiarekin edo lagunekin.
Gonzalo Boye abokatuarekin harremanetan da jada, eta Espainiak Polonian duen kontsularen bisita jaso du. Dena dela, atxilo hartu eta 16 egunera izan zuen lege laguntza ofiziala. Urtebeteren ondotik, epaiketaren zain dago, eta haren gertukoek Estrasburgoko Giza Eskubideen Europako Auzitegian salatu dute auzia.
Pablo Gonzalez Sobiet Batasunaren osteko eremuan espezializatuta dago, eta atxilotu zutenean, Ukrainako gerra eta errefuxiatuen krisiaren berri ematen ari zen Publico egunkariarentzat edo La Sexta telebista katearentzat.
Amnistia Internazionala (AI), Mugarik gabeko Kazetariak eta prentsa alorreko beste erakunde batzuek kazetaria aske uzteko eta haren giza eskubideak errespetatzeko eskatu dute. Gonzalezen senide, lagun eta lankideek #FreePabloGonzalez elkartea sortu dute berriemailearen "eskubideen aldeko borroka" bideratzeko eta legezko babesa eskaintzeko helburuarekin.
Zure interesekoa izan daiteke
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziar estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku berriak agertu dira frantziar Estatuan, mugatik hurbil, gainera. Neurri horren helburua da gaixotasunaren hedapena eten eta ainerako erkidegoetara ez iristea.
Osakidetzak markak hautsi ditu azaroan, 34 transplanteekin, Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabete bakarrean, eta arlo horretan estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.