Zaintza eskubide unibertsalaren aldeko greba bat deituko duela iragarri du Euskal Herriko Mugimendu Feministak
Zaintzarako eskubide unibertsala exijitu du Euskal Herriko Mugimendu Feministak, eta aldarrikapen hori ardatz izango duen greba feminista orokor baterako prozesua abiatu duela iragarri du, "Denon Bizitzak Erdigunean" goiburupean. Herri mugimenduekin, gizarte eragileekin eta sindikatuekin "aliantzak" bilatuko dituzte, deialdi bateratua egiteko, "promesa hutsak" atzean utzita. "Zaintzarako eskubide unibertsala exijitzen dugu, eta zaintza horiek negozio izateari uztea. Horregatik, greba feminista orokor baterantz goaz, eta gaur, martxoaren 8a, lehen urratsa da", azaldu dute.
Bilbon egin du agerraldia Euskal Herriko Mugimendu Feministak. Garazi Aldamak euskaraz eta Melissa Andradek gaztelaniaz irakurri duten agirian, egungo egoeraren eta aurrera begirako estrategiaren berri eman dute. Bertan esan dutenez, zaintzarako eskubidea "modu kolektiboan" defendatzen dute, "ez indibidualizatuan". "Hau da, pertsona guztiek bizitza osoan zehar zaintzak baldintza duinetan eta konpromisotik emateko eta jasotzeko duten eskubidearen alde. Hori mendekotasun egoeretatik harago doa, eta erabakitzeko gaitasuna eskatzen du: zenbat, nola eta nor zaindu nahi dugun; zenbat, nola eta nork zaindu behar gaituen, zaintzeari ezetz esateko eskubidea ere barnebilduz", adierazi du Aldamak.
Halaber, "kolapso egoera batean" gaudela salatu dute, "patronalaren eta interes ekonomikoen menpe", eta erakunde publikoak egoera horren konplize jo dituzte. "Egitura heteropatriarkal eta kolonialetan oinarritzen den" sistema bat eratzea egotzi diete patronalari zein erakunde publikoei, "zaintza-beharrizanak merkantilizatzeko, pribatizatzeko eta horiekin espekulatzeko". Horretarako, irabaziak eta kapitala "estrategia deliberatu" baten bidez lehenesten ari dira enpresak eta erakundeak, Mugimendu Feministaren arabera.
Gaineratu dutenez, egun, Euskal Herrian zaintza lanak "indarkerian eta desberdintasunean" ardaztuta daude, eta "arraza, atzerritartasun egoera, adina, sarea eta estatus soziala gurutzatu eta berrelikatu" egiten dira. "Mundu bidegabe eta desberdin honetan, zaintza sexuatuak, arrazializatuak eta estratifikatuak" daudela erantsi dute.
Hala, Euskal Herriko etxeetan emakumeek "barne enpleguaren erregimenarekin eta horiek babesten dituzten politika publikoekin" pairatzen duten "indarkeria matxista, arrazista, sexuala eta koloniala" gaitzetsi dute.
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.