Aretxabaletako udaltzain bat zigortu eta kaleratu dute aldageletan bi lankide grabatzeagatik
Aretxabaletako Udalak bertako udaltzain bat kaleratu du, bi agenteren irudiak grabatzeagatik zortzi hilabeteko kartzela-zigorra ezarri diotelako, aldageletan arropa aldatzen ari zirela.
Urriaren 3an ezarri zioten intimitatearen aurkako delitu baten egile izateagatik ezarritako zigorra, Fiskaltza, akusatua eta defentsa ados jarri ondoren. Gainera, helegiterik ez jartzea adostu zuten, eta, ondorioz, epaia irmoa da.
Epai judizialaren arabera, akusatuak, "Aretxabaletako Udaltzaingoaren polizia-etxean bere eginkizunak betetzen ari zenean" eta "bere lankideen intimitatearen aurka egiteko asmoz", "kamuflatutako tablet bat jarri zuen motxila baten barruan, estrategikoki" kokatuta, "aipatutako komisariako aldagela partekatuan".
Epaileak gertakarien kontakizunean zehazten duenez, lankide batek tableta aurkitu zuen, eta, horren ostean, egiaztatu zuten inputatuak biak filmatu zituela arropaz aldatzen ari zirenean.
Epaitegiak 1.200 euroko isuna ezarri zion poliziari, eta kartzelan sartzetik salbuetsita geratu zen, bi urte baino gutxiagoko zigorra ezarri ziotelako. Zigorra datozen bi urteetan etenda egongo dago, betiere akusatuak epe horretan deliturik egiten ez badu berriro.
Joan den otsailaren 28an, Bergarako Lehen Auzialdiko eta Instrukzioko Epaitegiak sententzia eman eta ia bost hilabetera, Aretxebaletako Udaleko osoko bilkurak erabaki zuen dagoeneko espedientea zabalik zuen udaltzaina "ez itzultzea bere lanpostura, hori biktimen aurkako indarkeria instituzionala izango zela ulertuta".
Udalak adierazpen instituzionala egin du gaur, "bertako langile batek egindako eraso matxistaren gaitzespen irmoa" adierazteko eta "erasoak jasan dituzten emakumeei eta haien ingurukoei babesa" helarazteko. EAJk gobernatzen du Aretxabaletan, eta EH Bildu oposizioko alderdi bakarra da.
Albiste gehiago gizartea
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.