3 eta 6 urte bitarteko zigorrak ezarri dizkiete Alexandru Ionita Zornotzan jipoitu zuten zortzi adingabeei
2021eko uztailean Alexandru Ionita Zornotzan jipoitu zuten zortzi adingabeei hiru eta sei urte bitarteko zigorrak ezarri dizkiete, kasuaren gertuko iturriek EITB Mediari baieztatu diotenez.
Ikerketaren arabera, 16 pertsonak parte hartu zuten 2021eko uztailaren 25ean Alexandru Ionitari Zornotzan eman zioten jipoian. Erdiak adin txikikoak dira, eta horiek dira orain epaitu eta zigortu dituztenak.
Auziko epaileak frogatutzat jo du gaztea hiltzeko ahalegina egin zutela, eta, beraz, adin txikikoen zentro itxi batean sartu beharko dute.
Auzipetu guztien zigorrak batuta, 32 urte ezarri dizkiete. Epaiaren arabera, erasoan parte hartze handiena izan zuen gazteak sei urteko zigorra bete beharko du, beste hiruk, bost urtekoa; bik, lau urtekoa, eta beste batek, hiru urtekoa. Halaber, zigorra betetakoan, bi urteko zaintzapeko askatasuna bete beharko dute, eta zigor handiena dutenek sei urteko urruntze agindua. Zortzigarrenari, ostera, hiru urteko zaintzapeko askatasuna jarri diote.
Jipoian nahasitako gainerakoak adin nagusikoak dira, eta ez dituzte oraindik epaitu. EITB Mediak jakin duenez, instrukzio fasea amaitu, da eta epaiketa hiru hilabete barru egingo da Bizkaiko Lurralde Auzitegian.
Alexandru Ionita gazteak heriotza arriskua gainditu zuen, baina ondorio konponezinak utzi zizkion erasoak. Gaur egun, ohean etzanda igarotzen ditu egunak, ibili eta hitz egin gabe.
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.