Larunbat argitsu eta epelaren ostean, moteltzera egingo du igandean
Ostirala gris eta, tarteka, heze esnatu bada ere, egunak aurrera egin ahala, hodeiak gutxitzen joango dira eta argitzera egingo du, baina mendebal/ipar-mendebaldeko haizea ibiliko da eta tenperatura jaitsi egingo da. Arratsaldearen hasieran, kostaldean, 18 ºC-ren bueltan ibiliko da, eta 14-16 ºC inguruan barnealdean.
Larunbatean, hego-haizea sartuko da, eta, tenperatura minimoak goizaldean zertxobait jaitsiko badira ere, eguraldiak argitzera eta epeltzera egingo du eta 20 graduren bueltan ibiliko dira merkurioak. Hala ere, erdi- eta goi-mailako hodeiak izango dira eta zerua ez da guztiz oskarbi izango; euri konturik ez da izango, ordea, ETBko "Eguraldia" saioko kideek azaldu dutenez. Haizea gauean hego-mendebaldetik finkatuko da eta indarra hartuko du.
Igandean, fronte hotz batek zeharkatuko du Euskal Herriko zerua, eta giro motela izango da. Zerua lainotuta egongo da eta zaparradak botako ditu tarteka, bereziki goizaldean eta gauean eta isurialde atlantikoan. Egunaren erdiko orduetan, hodeitza ez da horren trinkoa izango eta litekeena da ateri eustea. Haizea mendebal/ipar-mendebaldetik sartuko da eta tarteka harro ibiliko da, bereziki kostaldean; bertan, arratsaldean eta gauean, haize-boladak gogorrak izango dira. Tenperaturek 3-4 gradu egingo dute behera ipar partean eta 2-3 gradu hegoaldean.
Abisu hori olatuengatik ostiral arratsaldean
Eusko Jaurlaritzako Larrialdiei Aurre Egiteko eta Meteorologiako Zuzendaritzak abisu horia ezarri du gaur goizean, itsasaldean 2,5 metrorainoko olatuengatik, 05:00etatik 07:00ak arte egon da indarrean. Arratsaldean ere aktibatuko dute, 18:00etatik 19:00ak arte, itsasgorarekin bat etorriz. 18:29an izango da itsasgora, 4,56 metroko marearekin, eta 2-2,5 metro arteko olatuak espero dira.
Zure interesekoa izan daiteke
Lukas Aguirreren hilketagatik zigor handiena duenak helegitea aurkeztu du, homizidio delitu gisa epaitu dadin
Defentsak Auzitegiari eskatu dio 20 urteko zigorra murriztu dezala, argudiatuz hilketa borrokaldi baten testuinguruan jazo zela eta akusatuak politoxikomaniaren muturreko koadro bat zuela. Donostiako erdiguneko diskoteka baten kanpoaldean gertatu zen, 2022ko abenduaren 25eko goizaldean
Pisako emaitzak hobetzeko autoexijentzia eta Hezkuntza Sistemarekiko konfiantzaren alde egin du Pedrosak
Radio Euskadiko Boulevard saioan egin dioten elkarrizketan Begoña Pedrosa Eusko Jaurlaritzako Hezkuntza sailburuak azaldu duenez, ikasleen irakurketa gaitasuna hobetzeko neurriak ezartzen ari dira ikastetxeetan, PISA txostenaren emaitza txarren ondorioz.
Nafarroako bizilagun bat identifikatu dute Internet bidez debekatutako armak saltzeagatik
Guardia Zibilak webgunea behin-behinean blokeatu du, eta titularra administrazio-zehapena jartzeko proposatu du.
Bonelli arranoa itzuli da: bi kume jaio dira eta itxaropena berpiztu da Nafarroan
Urteetan, Bonelli arranoa desagertzeko zorian egon da Araban eta Nafarroan. Ale berriak ekarri dituzte eta bertakoekin ugaldu dira. Kumeak izan dituzte, bi, Nafarroan: Ida eta Ondallu.
Eusko Jaurlaritzak euskara babes bereziko kultura ondasun immaterial izendatzeko prozesuari ekin dio
Ekimen horren bidez, euskarari "prestigio handiagoa eta aitortza juridiko eta administratibo sendoagoa" eman nahi dio.
Berriro itzali dute Derion, Loiuko aireportutik gertu, berpiztu zen sutea
Sua astelehenean piztu zen San Isidro auzoko baso-eremu batean. Suhiltzaileek sugarrak erabat itzaltzea lortu zuten arren, sua berriro piztu zen eta lanean jardun dira goizaldera arte.
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.