Aste Santurako milioi bat inguru joan-etorri aurreikusi dituzte EAEn
Sonia Diaz de Corcuera Trafiko zuzendariak Aste Santuko operazio berezia aurkeztu du gaur. Aurreikusitakoaren arabera, 2022an baino joan-etorri gehiago izango dira Euskal Autonomia Erkidegoko errepideetan, betiere, eguraldiak laguntzen badu. Euskalmetek egindako iragarpena betez gero, 522.000 joan-etorri espero dituzte, eta beste hainbeste Euskaditik irteteko. Iaz, batez beste, 515.000 joan-etorri zenbatu zituzten.
Berritasunik ere bada aurten. Izan ere, irteera operazioak ez ezik, Itzuliak ere trafiko arazoak eragingo ditu asteazken honetan Bizkaian eta Gipuzkoan. Kontrara, arratsaldean Bilboko hegoaldeko saihesbidearen eta AP-68aren arteko lotunea irekiko dute, eta horrek trafikoa gutxituko du A-8 autobidean.
Oraingo honetan ere, zuhurtzia eta ardura eskatu die gidari guztiei Diaz de Cuerak, istripurik gerta ez dadin.
Istripuen balantzea
Iazko Aste Santuan bi lagun hil ziren EAEko errepideetan, trafiko istripuan, baina herri barruan gertatutako ezbeharrak izan ziren biak, alegia, ez zuten operazio bereziarekin zerikusirik. 2020an eta 2021ean, berriz, ez zen inor hil, eta 2019an beste bi pertsona zendu ziren.
2012tik nabarmen urritu dira istripuak. 123 ezbehar gertatu ziren urte horretan, 87 izan ziren 2019an eta 23 zenbatu zituzten 2020an. 2021ean, baina, gora egin zuen atzera istripu kopuruak (101), eta 2022an behera (80), berriro.
Operazio berezian hartutako neurriak
200 ertzain inguru arituko dira zaintza lanetan eta trafikoa kontrolatzen, zirkulazioa arintze aldera. Leku hauetan izango da trafiko gehien:
A-8 autobidea, Kantabriako mugan
A-8 autobidea, Biriatuko ordainlekuan
AP-1 eta A-1 arteko lotunean, Armiñonen
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.