Fiskaltzak ez du deliturik atzeman Madrilgo Ahuja ikastetxe nagusiko egoiliarren irain matxistetan
Madrilgo Fiskaltzak artxibatu egin du Elias Ahuja Ikastetxe Nagusiko gizon talde batek Santa Monica zentroko emakumeen aurka egindako irainak direla-eta abiatutako ikerketa, ez baititu gorroto delitutzat hartu.
Oihu horien bideoa birala egin zen sare sozialetan 2022ko urrian. Egoiliarretako batek emakumezko ikasleak iraindu zituen bere leihotik: "Putak, atera zaitezte zuen gordelekuetatik, untxiak bezala, putak eta ninfomanoak zarete, hitz ematen dizuet denok txortan egingo duzuela jaialdian, goazen Ahuja!". Gero, gainerako ikasleak leihoetara atera ziren, eta, kidearen mezua babestuz, oihuka jarraitu zuten.
Fiskaltzak bat egin zuen Madrilgo Complutense Unibertsitateak abiatutako ikerketarekin eta gizarteko hainbat sektorek egindako gaitzespenekin, Intolerantziaren aurkako Mugimenduak salaketa egin ostean.
Gertakariak aztertuta ondorioztatu dutenez, adierazpen "errespetugabeak eta iraingarriak" dira emakumeentzat, eta "duintasunaren aurkako erasoa", baina ez dago gorroto deliturik, ezta osotasun moralaren aurkako deliturik ere; izan ere, "ez dago jasota egoitzan zeuden emakumeetako batek ere gertaerak salatu dituenik".
Era berean, Fiskaltzak zehaztu du ezin direla epaitu Zigor Kodearen 173.4 artikuluaren bitartez; izan ere, Sexu Askatasunaren Berme Integralaren Legeak ("Bai bakarrik da bai" legea) sartu zuen artikulu hori, gertakariak jazo eta bost egunera.
Jokabide horiek Zigor Kodearen 173.4 artikuluan daude zigortuta, eta, Fiskaltzaren arabera, zigortu egiten ditu "biktimarengan objektiboki egoera umiliagarria, etsaitasunezkoa edo larderiazkoa sortzen duten sexu izaerako adierazpenak, jokabideak edo proposamenak egiten dituzten beste pertsona batengana jotzen dutenak, larritasun handiagoko beste delitu batzuk ez direnean".
Victoria Rosell Genero Indarkeriaren aurkako Espainiako Gobernuaren ordezkariak egun batzuk geroago iragarri zuen gertakari horiek delitutzat joko litzatekeela lege horrekin, legea indarrean egon izan balitz.
Albiste gehiago gizartea
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean Merindadeetatik abiatu da manifestazio nagusia, eta 19:00etan Donostian, Gasteizen eta Bilbon. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero, hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso da gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.
Hasi da gripearen aurkako txertaketa-kanpaina, eta 75 urtetik gorakoei txerto indartua jarriko diete
"Zu zara funtsezko pieza gripea saihesteko. Jarri txertoa" lelopean, Osakidetzak hitzordua eskatzeko deia egin die pertsona zaurgarriei. Astelehenean hasiko dira txertatzen. Kalteberatzat jo ez dituztenek azarora arte itxaron beharko dute txertoa hartu ahal izateko.
Palestinarekin Elkartasuna plataformak Sumud Flotillaren aurkako erasoa kaleetan salatzeko deia egin die euskal herritarrei
Plataformaren ustez, "ezinbestekoa da Israelen eta mendebaldeko konplizeen aurkako mobilizazioa eta borroka bultzatzen jarraitzea", eta bat egiten du Gazarako Mugimendu Globalak Euskal Herriko hiriburu eta udalerrietan egindako deialdiekin.
Renfek erabat berrezariko du Bilbo eta Santurtzi arteko larunbat eta igandeetako tren-zirkulazioa
Aste barruan, trenak ohiko ordutegiaren % 50eko maiztasunarekin dabiltza, behin-behinean, aldaketarik iragarri bitartean.
Elhuyarrek sei hizkuntzatan automatikoki bikoizteko plataforma sortu du
Elhuyar Fundazioak Euskal Herriko lehenengo bikoizketa automatikoko plataforma sortu eta martxan jarri du. Erreminta honekin ikus-entzunezko eduki bat sei hizkuntzatan (euskara, gaztelania, frantsesa, ingelesa, galiziera eta katalana) bikoiztu daiteke eta jatorrizko ahotsak imitatzeko aukera ematen du. Tresna berria Aditu plataforman integratu da. Horrela, plataforma hau azpitituluak sortzeko plataforma izatetik automatikoki bikoizteko aukera ematera igaro da.
Bingen Zupiriaren arabera, segurtasunaren arloan "hainbat gertakari larri" izan dira aurten euskal gizartean
Bingen Zupiria Eusko Jaurlaritzako Segurtasun sailburuak ohartarazi duenez, "arazo sozial oso garrantzitsua" dago, urtarriletik abuztura 10 hilketa izan baitira Euskadin, bai eta emakumeen aurkako "hainbat motatako eraso asko" ere. Gainera, nabarmendu duenez, Euskadin "arma zuriak erabiltzera ohituta dauden eta gatazka asko sortzen dituzten pertsonak" egon badaudela "egiaztatu" ahal izan dute.
Gipuzkoako Foru Aldundia Bernedo auzian akusazio gisa aurkeztuko da
Arabako Foru Aldundiak, bere aldetik, "erabat onartezinak" diren jarrerak argitzeko informazioa biltzeko dei egin du, eta galdetu du orain arte zergatik erakunde bakar batek ere ez duen esku hartu. Hori dela eta, azken bururaino ikertzearen alde agertu da.
Onkologiako saiakuntza klinikoak egiteko plataforma bateratua jarriko da martxan Euskadin, eta guztion eskura izango da
Plataforma berria Eusko Jaurlaritzako Osasun Sailaren 2025-2030 aldirako Euskadiko Onkologia Plan Integralaren kari sortuko da, hain zuzen ere. Saiakuntza kliniko gehiago egitea eta gaixoen parte-hartzea handitzea da helburua, "aukera berdintasuna" bermatzeko.