12 urteko mutiko bat hil da Sestaon baloikada bat jaso ostean
12 urteko mutiko bat hil zen atzo Sestaon (Bizkaia), futbolean ari zela baloikada bat jaso ostean.
Zorigaiztoko gertakaria atzo, igandea, jazo zen, 19:30ean, Sestaoko La Salle ikastetxeko jolastokian. Lekukoen arabera, adingabeak baloikada bat jaso zuen bularraldean, eta oka egiten hasi zen. Horrez gain, kolpeak konbultsioak eragin zizkion.
Berehala iritsi ziren bi anbulantzia ezbeharraren lekura, eta ordubete baino gehiago eman zuten osasun-langileek umea suspertzeko ahaleginean; ez zuten lortu, ordea. Osakidetzak psikologoak bidali behar izan zituen bertara haurraren gurasoak artatzeko.
Ertzaintzak ikerketa abiatu du gertakariaren nondik norakoak argitzeko.
Mikel Ameztegi La Salleko elizgizon eta gertakariaren lekukoak Radio Euskadin kontatu duenez, "osasun-langileek ordubete eta erdi luze eman zuten umea suspertu nahian, baina alferrik".
Udalak gertatutakoa deitoratu eta familiari laguntza eskaini dio
Ainhoa Basabe Sestaoko alkateak "biziki" deitoratu du "12 urteko mutiko honen heriotza". "Badakigu giza galera oro mingarria dela, baina alde egiten duen pertsona hain gaztea denean, mina handiagoa da, ikaragarria", adierazi du astelehen honetan.
Bizkaiko udalerriko alkatearen hitzetan, oraingoz, Udala ez da familiarekin harremanetan jarri, "badakigulako oso une zailak direla eta intimitate unea behar dutela dolu hau igarotzeko".
Hala ere, ziurtatu du datozen egunetan hala egingo duela, doluminak emateko eta haiekin bat egiteko. Euren esanetara jarriko dela gaineratu du, "zerbait behar badute ere, dela laguntza psikologikoa, dela hezitzaileen laguntza".
Albiste gehiago gizartea
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.