Notarioek online zerbitzuak eskaini ahal izango dituzte
Notarioek online zerbitzuak eskaini ahal izango dituzte Europar Batasuneko zuzentarauen transposizioari buruzko Legeari esker, Notariotzaren Kontseilu Nagusiak ohar baten bidez jakinarazi duenez. Beraz, sei hilabeteren buruan online egintzak eta kontratuak egin ahal izango dira notarioaren aurrean, notariotzara joaterakoan bermatzen den segurtasun juridiko berarekin.
Horretarako, dokumentuak baimentzeko eta sinatzeko, bideokonferentzia eta sinadura elektroniko kualifikatua erabiliko dira. Kontseiluaren kalkuluen arabera, urtean 3 200 000 dokumentu baino gehiago baimendu eta sinatuko litzateke online.
Online sinatu ahal izango diren dokumentuak honako hauek izango dira: sozietate-egintzak, merkataritza-polizak, hainbat notario-ahalorde mota, ordainketa-gutunak, bermeen ezereztea, legitimazio-testigantzak, epidemia-egoeran dauden testamentuak eta, kasu batzuetan, adiskidetzeak eta egintza eta negozio juridikoak.
Gainera, araudi berri horrekin, notarioek notario-agirien kopia elektroniko baimenduak eman ahal izango dizkiete herritarrei eta enpresei. Azkenik, notario aurrean sozietate mugatuak ere era litezke bide horretatik.
Albiste gehiago gizartea
Osasun Saila EAEko osasun-zentroak ebaluatzen dabil, klimatizazio-arazoak konpontzeko
Eusko Jaurlaritzako Osasun Sailak osasun-zentro guztiak ebaluatzeari ekin dio, klimatizazio osoa egin ezin den lekuetan zer irtenbide ezar daitezkeen zehazteko.
640 landareko marihuana-plantazio bat desegin dute Zallan, eta bi pertsona atxilotu dituzte
Desegindako instalazioetan hazkuntza-sistema aurreratuak eta material espezializatua zeuden. Agenteek aireztatzeko gailu sofistikatuak, argiztapen automatizatua eta landareen hazkundea bizkortzeko tresnak aurkitu zituzten. Polizia operazioak zabalik jarraitzen du, tartean pertsona gehiago dauden ikertzen ari baitira.
Nagore Laffage oroitu dute Iruñean, hil zutenetik 17 urte pasa direnean
Duela 17 urte hil zuen Jose Diego Yllanesek Nagore Laffage, erizain gazteak 20 urte zituenean. Hura oroitzeko elkarretaratzean, dozenaka lagun bildu dira Astelehen Lilak elkarteak deituta, Asun Casasolari, Nagore Laffageren amari, babesa erakusteko. Musikaz jantzitako ekitaldian, besteak beste, Unai Hualde Nafarroako Parlamentuaren presidentea, Joseba Asiron Iruñeko alkatea eta UPN, PSN, EH Bildu, Geroa Bai, PPN eta Contigo-Zurekin alderdien ordezkariak ere izan dira.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, laneskaintza publikoetan euskara-maila jaisteagatik
Udalak % 70etik % 40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu egin du.
Nola eragiten die beroak gailu elektronikoei?
Tenperatura altuen eta bero-boladen ondorioak pairatzea ez da soilik gizakion kontua. Askotan, gailu elektronikoek, gure egunerokoan hain beharrezkoak direnek, funtzionatzeari uzten diote beroa dela eta.
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.