Ertzaintza indarkeria matxista gisa ikertzen ari da Orion izandako emakume eta gizon baten heriotzak
Ertzaintza indarkeria matxista kasu gisa ikertzen ari da atzo arratsaldean Orion (Gipuzkoa), kalean, gertatutako emakume baten hilketa eta gizon baten heriotza. Eusko Jaurlaritzako Segurtasun sailburu Josu Erkorekak 10:30etik aurrera emango du ikerketaren lehen datuen berri. Emakumeak 47 urte zituen eta bi seme-alabaren ama zen.
Gertakaria 17:20an gertatu zen, Arrantzale kaleko haurrentzako parke baten kanpoaldean. Inguruan zeuden bizilagunek deitu zuten larrialdi zerbitzuetara, eta Ertzaintzako agenteak bertaratu direnean, biktimen gorpuak aurkitu zituzten, jarleku baten ondoan; emakumearen gorpua bankuan zegoen, eta gizonarena, berriz, lurrean etzanda.
Hasiera batean hildakoetako batek zeraman pakete bat lehertu zela esan bazen ere, teoria hori erabat baztertu zen. Izan ere, segurtasun indarrek su-arma bat aurkitu zuten inguruan. Litekeena da gizonak eskopeta batekin emakumearen aurka tiro egin izana, eta, ondoren, bere buruaz beste egin izana.
Ertzaintzak gizonaren etxea eta autoa miatzen eman du gaua.
Erreakzioak
Basaurin (Bizkaia) egindako hauteskunde-kanpainako ekitaldi batean, Iñigo Urkullu lehendakariak "pena eta tristura" adierazi zituen Orion izandako gertakariengatik. "Baieztatu dezakegu bi pertsona hil direla, balizko indarkeria matxista kasu baten ostean", adierazi zuen lehendakariak.
Bestalde, elkartasuna adierazi zien hildakoen senideei eta Orioko herritar guztiei.
Orioko Udalbatzak bilera egingo du goizean balizko indarkeria matxista kasua aztertzeko.
Albiste gehiago gizartea
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.