Albiste dira

12 urteko bi ahizpa biki hil dira Oviedon, argi-patio batetik behera erorita

Ezbeharra ostiral goizean jazo da, 09:30 aldera. Ikertzaileek baztertu egin dute beste inoren esku-hartzea oraindik argitu behar duten gertaera tragiko horretan.

20230519115016_oviedo-mueren-dos-ninas_ — 12 urteko bi neskato hil dira Oviedon patio batera erorita

Agentziak | EITB MEDIA

2023/05/19 - 12:39

Azken eguneratzea

2023/05/19 - 12:39

12 urteko bi neskato, ahizpa bikiak, hil dira ostiral honetan Oviedoko eraikin bateko argi-patiotik behera erorita, Espainiako Polizia Nazionalak jakitera eman duenez.

Ezbeharra ostiral goizean jazo da, 09:30 aldera, Asturiasko hiriburuko Facetos kaleko eraikin batean.

Polizia judizialeko eta zientifikoko agenteak bertaratu dira, gertatutakoa ikertzeko.

Baztertu egin dute beste inork esku hartu izana

Ikertzaileek baztertu egin dute beste inoren esku-hartzerik egotea horren atzean, gertaera tragiko horri buruzko informazio guztia biltzen duten bitartean.

"Lehen egiaztapenak egiten ari gara, oraindik ezin ditugu datu guztiak frogatutzat eman", esan du ikerketaren arduradunak.