63 urteko gizon bat larri zauritu dute Laredoko aparkaleku batean, burdinazko barrekin jipoituta
63 urteko gizon bat larri zauritu zuten igandean Laredoko merkataritza-gune bateko aparkalekuan burdinazko barrekin eta ostikoka jipoituta. Biktimak zauri larriak ditu, eta Marques de Valdecilla ospitalean dago.
Aparkalekuan zeuden pertsonen aurrean jipoitu zuten. Gizona lurrean erorita eta mugitu ezinik zegoela, burdinazko barrekin jotzen eta ostikoak ematen jarraitu zuten.
Jipoia eman ondoren, erasotzaileek furgoneta batean ihes egin zuten, abiadura handian, eta kalteak egin zizkioten bertan aparkatuta zegoen beste ibilgailu bati.
Guardia Zibilak lau pertsona atxilotu ditu, hiru gizon eta emakume bat, 28 urteko bi, 52 urteko bat eta 56 urteko bat. Laredon bertan eta Ciceron atzeman dituzte, Guardia Zibilak jakitera eman duenez.
Gertakariak igande arratsaldean jazo ziren, "arrazoi pertsonalengatik", aipatutako iturrien arabera.
Guardia Zibilari 14:10ean eman zioten erasoaren berri. "Kaleko salmenta-postuak jartzeko metalezko barrak" erabili zituzten erasoan.
Laredoko epaile batek behin-behineko espetxealdi komunikatua eta fidantzarik gabea ezarri die hiru atxiloturi, gizonezkoei. Emakumea, berriz, behin-behinean aske utzi du, epaitegian astero agertzeko betebeharrarekin eta biktimarekin komunikatzeko eta harengana hurbiltzeko debekuarekin.
Lau atxilotuek epailearen aurrean deklaratu dute gaur goizean, tresna arriskutsuak erabiliz lesio-delitu bat egin izana egotzita.
Epaileak adierazi duenez, hiru gizonek, "ados jarrita eta elkarrekin jardunda, biktimaren osotasun fisikoa kaltetzeko asmoz, kolpeak eman zizkioten gorputz osoan, metro bat baino gehiagoko luzera zuten metalezko barrak erabiliz, lurrean zegoela".
Ebazpenaren arabera, gertakarien irudiak eta ustezko erasotzaileen deklarazioak daude: "Aitortu dute biktimarekin gatazka bat dutela, eta gertakarien egunean harekin topo egin zutela, eta liskarra sortu zela, gertakarietan parte hartu zuela onartuta".
Hala, bi familiaren arteko gatazka batek eragin omen du jipoia; izan ere, batzuen esanetan, erasotzaileak adingabe bat jazartzen omen zuen sexu-izaerako mezuekin.
Zure interesekoa izan daiteke
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.
Emakume bat San Ignazioko metro geltokian erditu da, Bilbon
Emakumea, senarrarekin batera, Lutxanako geltokian zegoen, eta zenbait bidaiarik ohartarazi dute urak egin dituela, eta, bagoirik bagoira, mediku bila aritu dira.
Bernedoko kanpalekuak antolatzen dituen elkartearen aurkako zehapen-espedientea abiatu du Arabako Aldundiak
Sarrea Euskal Udaleku Elkartearen aurkako zehapen-espedientea ireki du Aldundiak, araudiaren "bi betebehar ez betetzea" leporatuta: eskumena duen departamentuari jardueraren berri ez ematea eta eskatutako dokumentazioa Aldundiari ez helaraztea. Orain arte, 21 salaketa aurkeztu dituzte udaleku horietan parte hartu zuten adingabeen familiek, sexu-erasoak eta exhibizionismoa egitea egotzita.
Talde kriminal bateko hamar pertsona atxilotu dituzte Bilbon, salgaien salerosketan 300.000 euroko iruzurra egiteagatik
Guardia Zibilak faltsututako banku-egiaztagirien bidez enpresei iruzur egiten zien talde bat desegin du. 'Vencal' operazioaren barruan egindako operatiboan, iazko apiriletik Estatuko 18 probintziatan egindako 39 delitu argitu dira.
Gaueko zaintza-patruilak antolatzea pentsatzen ari dira Lemoan, azken hilabeteetako lapurretak direla eta
Azken bi hilabeteetan, kristalak puskatu eta 43 autotan lapurtu dute herriko hainbat puntutan. Ertzaintzak bi pertsona atxilotu ditu dagoeneko, eta beste bat ikertzen ari da.
Lehen aldiz ikusi dute ibis eremita hegaztia Nafarroan
"Giselbert 916" izena duen hegazti-alea bere espezieko lehena da eskualdean, eta Eremita Proiektuari esker dokumentatutako migrazio-ibilbide baten barruan kokatzen da.
Euskal Herriko saharar diasporak bere gaitzespena adierazi du Marokoko autonomia planaren aurrean
Euskal Herriko saharar diasporak elkarretaratzea egin du gaur Gasteizen, Mendebaldeko Sahararen autonomia plana gaitzetsi, eta Marokoren subiranotasunaren pean jarriko lukeen plana errefusatzeko. Sahararren hitzetan, Espainiako Estatua da "gure lurra abandonatu behar izatearen erantzulea", eta, hori dela eta, Espainiako Gobernuari exijitu diote autonomia plana publikoki baztertzeko, independentzia erreferenduma bat egin ahal izateko.
Argentina euskal giroan murgildu da: 2025eko Euskal Aste Nazionala hartu du Tandilek
Hiria Argentinako euskal diasporaren topagune bihurtu da. Dantza, herri kirol eta kalejira artean, mila lagun baino gehiago bildu dira euskal kultura aldarrikatzeko.