Milaka zalek gozatuko dute gaur San Mamesetik abiatuko den Tourreko lehen etapan
Milaka txirrindularik izango dute gaur Frantziako Tourraren lehen etaparekin gozatzeko aukera. 182 kilometro izango ditu, eta Bilbon hasi (San Mames) eta bukatuko (Etxebarria parkea) da.
Horrela, eta San Mames ingurutik (Felipe Serrate kalea) 12:30erako irtetea aurreikusita dagoen arren, publizitate-karabana bi ordu lehenago jarriko da martxan, eta modu berean zeharkatuko du hiriaren erdigunea.
Bilbon dagoen helmugan ere 17:15 aldera amaituko da, Etxebarria parkean, eta txirrindulariak Zumalakarregi etorbidetik igaro ondoren iritsiko dira.
Ertzaintzaren 54 motorzalek, Garde Republicaine de Franceko motorzaleekin koordinatuta, txirrindulariei laguntzeko lanak egingo dituzte aurreneko hiru etapetan, eta 1.500 eta 1.700 ertzain bitartean egunero parte hartuko dute segurtasun dispositiboan.
Bitartean, Frantziako Tourrak Euskal Herriko mugikortasunean izango duen eragin nabarmenena igartzen hasi da jadanik, lehen etapako irteera (San Mames) eta helmuga (Zumalakarregi etorbidea) behar bezala prestatzeko beharra dela eta.
Irteera neutralizaturako eta helmugarako segurtasun-hesia gauean jarriko dute, 00:00etatik 06:00etara gutxi gorabehera; beraz, bi ibilbideetako kaleek zirkulazio-murrizketak izango dituzte denbora horretan. Halaber, trafiko-mozketa handiak gauerditik aurrera iritsiko dira, eta 06:30etik aurrera zirkulazioa etengo da San Mameseko tuneletatik hasita.
Egun zailena, baina, uztailaren 1a izango da, orduan ekingo baitio lasterketak Bilbotik. Egun horretan, Bilbo guztiz isolaturik geratuko da; izan ere, 09:00etarako moztuko dute lasterketaren ibilbide osoa. Hala, errepide nagusiak ibilgailuentzat egongo dira itxita, larrialdietako zerbitzuentzat izan ezik.
Bilborako San Mameseko sarbidea itxita egongo da 06:30etik 14:00etara. Artxandako tunelak, Txorierritik hasita, itxita egongo dira 06:30etik 18:30era Ugaskorako bidean (Deusturako noranzkoan); Begoñatik, berriz, 24 ordu iraungo du mozketak (ekainaren 30eko 22:00etatik uztailaren 1eko 22:00etara). Eta tuneletatik Salberaino (Errekalde zumarkalerako noranzkoa), mozketa 08:30etk 14:00etara egingo dute. Enekuriko sarbideak arian-arian itxiko dituzte 08:00etatik aurrera, eta 18:15 aldera berreskuratuko da normaltasuna.
Udalaren aurreikuspenen arabera, zirkulazioa uztailaren 1eko 21:00ak edo 21:30 aldera irekiko da berriro.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.