Egitarau zabala prestatu dute 2023ko Baionako bestetarako
Uztailaren 26tik 30era bitartean ospatuko dira Baionako bestak, eta dagoeneko aurkeztu dute egitaraua. 3.000 euroko aurrekontuarekin musikak protagonismo berezia izango du, eta, aurten, bisitarien sarrera 2 euro garestitu dute; 12 euro ordaindu beharko dira azken hiru egunetan, ostiralean, larunbatean eta igandean besta gunera sartzeko.
Ohiko jarduerak izango dira aurten ere; irekiera eguna, haurrena, elkarteena, tradizioena eta Iruñearen eguna, baina musikak hartuko du protagonismo berezia; izan ere, 1.000tik gora musikarik eta 70 musika taldek –fanfarreak, batik bat– alaituko dituzte oholtzak eta karrikak jaiek irauten duten bost egunetan.
Gainera, aurten, beste eremu batera zabalduko da besta, auzoen eta elkarteen laguntzaz. Hala, musika entzuteko eta jai giroaz gozatzeko gunea sortuko dute kanpoaldean, Mousserolles auzoan. Egitarauan ez dira falta, ohi bezala, euskalzaleen txokoa, Karrikaldia, bigantxak, besta zaleen lasterketa, ziganteen konpartsa, trinketeko pilota lehia edo goizetako yoga saioak.
Baionako auzapezak, Jean Rene Etchegarayk adierazi du isunak izango direla musika ozenegi ipintzen duten tabernentzat eta argitu du "segurtasuna, prebentzioa, garbiketa eta sorospen zerbitzuak" atalera bideratu dutela Baionako bestek aurten izango duten aurrekontuaren hiru laurdena.
Segurtasunaren kostuari erantzuteko, are gehiago inflazioaren testuinguruan, ezinbestekotzat jo du udal agintariak aurten 10 eurotik 12 eurora handitzea bestetako sarrera. Baionako herritarrek salbu, 16 urtetik gora duten herritarrek eskumuturra erosi behar dute ostiral eta igande bitartean hesiturik egongo den besta eremuan sartzeko.
Gainera, eraso sexistak edota homofoboak saihesteko talde feministekin eta peñen elkartearekin protokoloa landu dutela eta arreta berezia jarriko dutela jakinarazi du.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.