Konstituzionalaren epaiak "euskara eta euskal hiztunak mespretxatzen dituela" salatu dute hainbat alkatek
Kostituzio Auzitegiak Udal Legearen aurka emandako epaiaren aurrean kezkaturik agerraldi bateratua egin dute ostegun honetan euskalgintzako ordezkariek alkate eta udal ordezkariekin batera. Salatu dutenez, "euskara eta euskal hiztunak mespretxatzen ditu" erabakiak, etorkizunera begira "euskarak dituen desafio handiei aurre egiteko moduko hizkuntza-politikak oztopatzen dituelako".
Auzitegi Konstituzionalaren azken epaiaren ondotik, Euskadiko Justizia Auzitegiaren aurrean, Bilboko Albia lorategietan, aginte makilak eta zumitzaren zumeak goratu dituzte gaur ehunen bat alkate, zinegotzi eta Euskalgintzako gizarte eragileen ordezkariek, tartean Bilboko eta Donostiako alkateek, euskararen aurkako oldarraldi judiziala salatzeko.
Nabarmendu dutenez, justiziak ez du soilik euskara jomugan, autogobernua bera ere bai. Horregatik bilatu behar zaio euskarari lege babesa, eta herritarrena.
Era berean gogoratu dute Eusko Legebiltzarrak "kontsentsu zabalez" onartu zuela Udal Legea hori eta gaineratu dute azken Inkesta Soziolinguistikoak argi erakutsi duela gizartearen gehiengo zabal batek babesten dituela euskararen normalizazioa helburu duten politikak.
Gauzak horrela, "epai hori euskararen biziberritzearen aurkakoa ez ezik adostasun sozial handi baten kontrakoa" ere badela salatu dute.
Testuinguru horretan, mobilizazio sozialerako deia egin dute eta azaroaren 4rako deitu den manifestazioan parte hartzeko gonbitea luzatu dute, beste behin.
Albiste gehiago gizartea
Madril erdiguneko eraikin baten zati bat behera etorri da eta hainbat lagun daude agertu barik
Erreskate lanetan Madrilgo Udaleko suhiltzaileak, Polizia Nazionalaren eta Udaltzaingoaren txakurrak eta droneak ari dira lanean. Oraingoz, hiru langile artatu dituzte: bat, larr,i eta bi, arin. Ezbeharra 13:00etan gertatu da, eta alboko beste eraikin bat ere hustu behar izan dute.
Aldirietako tren-zerbitzuak izango duen izena aukeratu ahal izango dute herritarrek
Irekia webgunearen bitartez bozkatu ahal izango da, eta hiru aukera daude: Besaide, Lottu eta Lurbil.
Zortzi zauritu eta lau desagertu Madrilen, Opera inguruan, obretan ari zen eraikin baten zati bat erori da eta
Hileras kaleko eraikin bat behera etorri da, 13:00ak aldera. Lanean ari ziren zazpi langileetako hiru zauriturik atera dituzte, eta lau desagertuta daude.
Ramiro Gonzalez: "Bernedoko udalekuak, modu horretan, ez ziren egin behar"
"12 salaketa daude balizko delituengatik. Ez dut epaituko deliturik dagoen ala ez, baina salaketa asko dira", onartu du Arabako ahaldun nagusiak. Ramiro Gonzalezek adierazi du ez duela eztabaidetan sartu nahi erakundeek gai horretan dituzten eskumenak direla eta. "Erakunde guztiek koordinazioa hobetzeko behar adina lan egiteko unea da", gaineratu du.
Istripua izan da Sestaoko ACB altzairutegian, eta bi langile zauritu dira
Zauritutako langileak Gurutzetako Ospitalera eraman dituzte, erre egin direlako. Enpresak azaldu duenez, arku elektriko bat sortu da (deskarga elektrikoa), eta erredurak eragin dizkie bi langileei.
Kontseiluak milaka euskaltzale bildu nahi ditu abenduaren 27an Bilbon, "euskararen soinu banda" ardatz hartuta
Ekitaldirako sarrerak urriaren 16tik aurrera izango dira eskuragarri Pizkundea.eus webgunean, 10 euroren truke. Antolatzaileek adierazi dute "euskara lehen lerrora ekarri eta benetako jauzia eragiteko" garaia dela. Horregatik, euskarari "pizkunde" berria ematera gonbidatu ditu euskaltzale oro.
Ane, Laia eta June, eta Oihan, Martin eta Markel dira neska-mutil jaioberrien izen ohikoenak
Ane da, 1998tik, neska izena aukeratzeko orduan gurasoen kutunena Euskal Autonomia Erkidegoan, hirurteko datuak kontuan hartuta. Mutil izenen kasuan, Oihan izena laugarren tokitik lehenengora igaro da.
Leioako animalia-probak ez egitea eskatu dute
Leioa contra el Maltrato Animal taldeak salatu duenez, abuztuan herrian egindako asto probetan "irregulartasunak" izan ziren; besteak beste, "700 kiloko harria erabili zen, astoak jotzeko makilak erabili ziren, eta epaileek ez zuten esku hartu, animalien sufrimenduaren ageriko zantzuen aurrean".
"Palestinako okupazioaren amaierari buruz hitz egin beharko genuke, eta, zoritxarrez, ez da bake-plan horretan aipatzen"
Raquel Marti UNRWA erakundearen Espainiako zuzendaria kezkatuta azaldu da AEBk proposatutako bake-plana dela eta. "Negoziazioa baino, ultimatuma dirudi", deitoratu du EITBri egindako adierazpenetan.
Bilboko Metroa betiko moduan ari da gaur
Atzo bi gorabehera teknikok zerbitzua etetea eragin zuten arren, gaur normal antzean dabil Bilboko Mertroa. Zirkulazioa eten behar izan zen hainbat tartetan, eta atzerapen handiak eragin ziren.