Inoizko Aste Nagusi inklusiboena eta berdinzaleena izango da aurten Donostian
Bi aste besterik ez dira falta Aste Nagusiari hasiera emateko, eta Donostiako Udalak, Jon Insausti Kultura eta Turismo zinegotziaren arabera, inoizko Aste Nagusirik "inklusiboena" izango denaren egitaraua aurkeztu du, urritasunen bat duten pertsonentzat bidertutako ekintza asko egin baitira. Kaleko ekitaldiez gain, kultur jarduerak ere izango dira antzokietan, kultur etxeetan, museoetan, Tabakaleran eta Musika Hamabostaldian.
Guztira 312 jarduera antolatu dira, publiko guztientzat bideratuta, eta horietatik 102 urritasunen bat duten pertsonentzat pentsatuta daude: Musika, Kirola, gastronomia, antzerkia, folklorea, erraldoiak eta buru-handiak, zezenak eta su artifizialak. Ekintza guzti horiek aurrea eramateko 31 jai-gune izango dira.
Inklusibitateari dagokionez, lau egunetan zehar, feriatzaileek bi orduz itzaliko dute giroko musika arratsaldean, autismoa duten pertsonen barraken ingurunea hobetzeko. Zehazki, abuztuaren 11, 16, 18 eta 21ean, barraketako musika itzaliko da 16:30etik 18:30era.
Berdintasuna eta tokiko talentua sustatzea programaren beste ardatz garrantzitsu batzuk dira, eta, horretarako, lehen soilik gizonezkoenak ziren alderdietan ikusgarritasuna eman diete emakumeei, hala nola kirol-lehiaketetan.
Jende gehien erakartzen duten ekintzak su artifizialak eta Sagueseko kontzertuak badira ere, egunean zehar beste zenbait ekintza daude, publiko guztiei bidertuta, eta horietaz gozatu daitezkeenak: Zirku tailerra, azokak, kaleko ikuskizunak, Zurriolako txirrista erraldoia…
Berrikuntza bezala aurten udalak zenbait ekintza gehitu ditu: Urumea ibaiko bisita gidatuak, "Carrusel de Pedalos – Ramón Barea Saria" jardueran "pedalei eragiteko" aukera, Emakumezkoen Pilotako Master Cupa Atano Frontoian, Joselontxos txarangaren gaueko irteera eta Antiguako frontoian egingo den Batukada Eguna.
Donostiako Piratak
Udalak antolatuko ekintzez gian, Donostiako Piratek horien egitaraua ere badaukate, eta bertan hamaika ekintza antolatu dira, publiko guztientzat bideratuta. Bertan, gaueko kontzertuez gain, artisauen azoka, abordaia, jolasak eta beste pila aurki daitezke.
Zure interesekoa izan daiteke
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
Dena prest da Senperen “Geroa eraikiz” lelopean egingo den Herri Urrats jairako
Urtero bezala, milaka euskaltzale bilduko dira igandean Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izango da nagusi goizetik arratsera, baina aldarrikapenak ere presentzia nabarmena izango du.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.