Eraso sexistez gain, arrazistak eta LGTBIfobikoak ere kontuan izango dituzte Bilboko Aste Nagusiko protokoloan
Aste Nagusirako, eraso sexisten aurkako estrategia aurkeztu Bilboko Udalak, eta baita istilu arrazisten, xenofoboen, ijitoen aurkakoen eta LGTBIfobikoen aurkakoa ere, lehendabiziko aldiz. Juan Mari Aburto alkateak eta Kontxi Claver Berdintasun, Bizikidetza, Lankidetza eta Immigrazio zinegotziak aurkeztu dituzte protokoloak.
Aburtoren ustez, eraso horien errealitatea ukatzen dutenen aurrean jarri behar da. "Ahotsa altxatuko dugu ezetz esateko", gaineratu du. Alkateak "ezer ez gertatzea" eta "protagonista bakarra festa izatea" nahi du, baina mezua bidali die erasotzaileei: "Ez ditugu Bilbon nahi".
Claverrek, bere aldetik, herritarren inplikazioa eskatu du, "Bilbon indarkeriarik ez dagoela argi uzteko". "Ezin dugu atzerapausorik eman zentzu horretan, eraso bakoitzak erantzuna izango du", adierazi du.
Bilboko Konpartsek, bestalde, "pertsona guztiak seguru sentiaraziko dituen Aste Nagusia" nahi dutela esan dute. "Beldurrak ez du lekurik jai hauetan, horregatik babesten dugu Udala bere kanpainan", gaineratu dute.
"Bakarrik bai da bai" kanpainaren helburua da "gizonei nahiz emakumeei hel egitea, emakumeen ahalduntzea, eta erantzukizun aktiboa galdegitea gizonezkoei eta gizarte osoari".
Larunbatean, Aste Nagusia hastearekin batera, aktibatuko du Udalak estrategia hori, Udaltzaingoa eta Gizarte Larrialdietako Udal Zerbitzua ere tartean direla. Udalak laguntza psikologikoa eta juridikoa eskainiko die, erasoren bat gertatuz gero, erasoa jasan duen emakumeari eta haren senideei.
Zortzi hizkuntzatan idatzitako informazioa eta erasoak identifikatzeko gidaz gain, gune moreak egongo dira kontzertu nagusien guneetan, Abandoibarrean eta Europa parkean, eta aurten baita Plaza Barrian, Casilda Iturrizar parkeko Pergolan eta Plaza Biribilean ere.
Berritasun gisa, udal-estrategiak eraso arrazistak, xenofoboak, ijitoen aurkakoak eta LGTBIfobikoak ere aintzat hartzen ditu, formatu berean, eta aholkularitza eta jarduera protokolo bat ere badu gorrotozko eraso horietarako.
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.