Espainiako Futbol Federazioak premiazko batzarra deitu du, Rubialesen inguruan sortutako polemikaren ostean
Espainiako Futbol Federazioak (RFEF) premiazko Ezohiko Batzar Orokorra deitu du ostiralerako, emakumezkoen Munduko Txapelpetako finalean Luis Rubialesen inguruan sortutako polemikaren ostean. Eztabaida presidenteak Jennifer Hermoso jokalariari musu bat emateagatik sortu zen, Ingalaterraren arteko finalean Espainiak lortutako garaipenaren ospakizunean. Bilera Las Rozaseko Futbolaren Hiriko egoitza gauzatuko da.
"Igandean Espainiako Selekzioak Sydneyn irabazi zuen Munduko Txapelketako garaipenaren ospakizunean sortutako azken gertakarien ondoren, Federazioan osotasun gaiei buruzko barne-eginbideak ireki direla jakinarazten da, baita aplika daitezkeen gainerako protokoloak ere", azaldu du Federazioak.
Asanblea lurraldeko futbol federazioek asteartean egindako urgentziazko bileraren ostean deitu da. Izan ere, horretan, federazioek horrela eskatu baitzuten, presidenteari haien babes osoa helaraziz.
Aldiz, herrialdeko hainbat erakundeek agintariaren dimisioa eskatu dute; hala nola, Futbol Entrenatzaileen Prestakuntzarako Zentro Nazionalak (CENAFE). Horrekin batera, Espainiako Gobernuko presidenteak ere Rubialesek dimisioa aurkeztu beharko lukeela adierazi zuen, sare sozialen bitartez zabaldutako barkamena "nahikoa ez" dela gaineratuz.
Polemikatik at
Luis Rubialesen inguruan sortutako polemikaren ondorioz, presidenteak ez du kargua uztea baloratzen. Hala, bost urteko agintaldiaren unerik latzenean, ez dirudi kritikei aurre egiteko agerpenik egingo duenik.
EFE agentziaren informazioen arabera, Rubialesek selekzioaren espedizioaren buru izaten jarraituko du eta, horrenbestez, ez dute RFEFko agintariek aurreikusitako planak aldatu.
Espainiako Futbolarien Elkarteak (AFE), bere partez, Kirolaren Legeak ezarritakoa presidentearekin aplikatzea eskatu du, Jennifer Hermosori ahoan emandako musua "gertakari tamalgarria" izan dela esanez.
Albiste gehiago gizartea
700 pisu turistiko kentzeko exijitu du Eusko Jaurlaritzak Airbnb plataformari
Uztailaren 1etik aurrera, etxebizitza turistikoen erregistro bakarra sartuko da indarrean. Javier Hurtadok ohartarazi duenez, nahitaezko erregistro-zenbakiak sartu ezean, jarduera etetera behartuz zigortu ahal izango dituzte.
Pertsona bat hil da Zuian izandako trafiko istripuan
Auto bat errepidetik atera eta irauli egin da N-622an. Gidaria ibilgailuaren barruan harrapatuta geratu da, eta bertan hil da.
Gizon bat atxilotu dute Portugaleteko taberna batean beste bati aizkoraz erasotzeagatik
Atzo 20:00etan gertatu zen erasoa. Biktimak zauriak ditu eskuetan eta bizkarrean.
Albiste izango dira: Saretzen txostena, PSNren krisia eta Errefuxiatuen Mundu Eguna
Gaurkoan albiste izango direnen laburpena, bi hitzetan.
Oñatiko Larraña Etxeak 20 nazionalitateko 100 errefuxiatu hartzen ditu
Harrera zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.