Sare sozialak, Rubialesen diskurtso "matxistaren" aurka
Espainiako Futbol Federazioko (RFEF) presidenteak, Luis Rubialesek, dimisioa emango ez duela jakinarazi ondoren iritsi dira politikarien eta kirol munduaren erreakzioak eta kritikak.
Baina, batez ere, Jennifer Hermoso Espainiako selekzioko jokalariari ahoan emandako musuaren nondik norakoak azaltzeko federazioko agintari nagusiak, Ezohiko Batzar Nagusian, eskaini duen diskurtso "matxistaren" aurka lehertu dira sareak.
Yolanda Diaz Espainiako Gobernuko bigarren presidenteordeak onartezintzat jo ditu Rubialesen hitzak, eta X sare sozialean (lehengo Twitter) zabaldutako mezu batean adierazi du Espainiako Gobernuak "premiazko neurriak" hartu behar dituela: "Amaitu da ekintza matxisten zigorgabetasuna".
Irene Montero jarduneko Berdintasun ministroak zalantzan jarri du Rubialesen erabakia, eta azpimarratu du "isiltasunak ez duela funtzionatu eta ez duela funtzionatuko biktima gutxiesteak".
Bestalde, Ione Belarra Eskubide Sozialen eta Agenda 2030en jarduneko ministroak azpimarratu duenez, "baimena ez du erasotzaileak erabakitzen, emakumeak erabakitzen du", eta Rubialesen hitzaldia "bortitza eta mafiosoa" dela esan du.
Eusko Jaurlaritzatik, Idoia Mendia lehendakariordeak haren "diskurtso antifeminista" eta bertaratutakoen txaloak kritikatu ditu.
Teresa Ribera Trantsizio Ekologikorako eta Erronka Demografikorako ministroak adierazi duenez, Espainiako Gobernuak "bere esku dagoen guztia" egingo du Luis Rubialesek RFEFko buru izaten jarrai ez dezan.
Eta LaLigako presidente Javier Tebasek ere erantzun die Rubialesek egindako salaketei, esanez Rubialesek berak "iraindutako emakume eta gizonen zerrenda handiegia" dela eta hori "gelditu" egin behar dela.
Iker Casillasek Rubialesen hitzak ere aipatu ditu, «lotsagarritzat» jo baititu.
Halaber, Borja Iglesias Betiseko jokalariak "gauzak aldatu eta horrelako ekintzak zigorrik gabe geratu bitartean Selekziora ez itzultzea" erabaki du. Iglesiasek deitoratu egin du "lankide bati presioa egiten eta fokua jartzen jarraitzea", eta "futbol bidezkoago, gizatiarrago eta zintzoago baten alde" egin du.
Alexia Putellasek Jennifer Hermoso defendatu du eta esan du: "Onartezina da. Bukatu da ".
Esto es inaceptable. Se acabó. Contigo compañera
Zinemaren mundutik ere, Juan Diego Botto aktoreak Rubiales kritikatu du.
Zure interesekoa izan daiteke
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du haren espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte biktima bakoitzeko), 10 urtekoa 16 urtetik beherakoari egindako sexu-eraso jarraituagatik eta bi urtekoa haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40 000 euroko kalte-ordaina eman beharko die hiru biktimei. .
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERen Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia edo hegazti gripea bezalako gaixotasunak eragiten dituzten arrisku handiko agente patogenoen azterketan.
Segurtasun Sailak abisu bereziak ezarriko ditu kostaldean ostegunean eta ostiralean ere, olatuengatik
Abisu berri horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak espero baitira.
Bizkaiko DYAko presidente ohiak epaiketan ukatu egin du erakundearen dirua desbideratu izana
Fernando Izaguirrek ziurtatu duenez, bere asmo bakarra Kataluniako osasun-garraioaren sektorean erakundearen jarduera indartzea zen, baina "dena alferrik izan zen".
Pablo Ibarren auziko epaileak erabaki du lekuko berria nor den isilpean gordetzea
31 urte bete dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita biziarteko kartzela zigorrera kondenatu zuten. Hala ere, berak errugabea dela dio.
Sei urteko kartzela zigorra ezarri diote Eric Olhats entrenatzaile ohiari, adingabeei sexu-erasoak egiteagatik
Espetxe zigorraz gain, Aviron Bayonnaiseko entrenatzaile eta Realeko behatzailea izandakoak ezingo du adin txikikoekin lan egin eta kirol eremuetara joateko debekua ere jarri diote. Epaiaren berri izan ondoren, Alain Larrea defentsa abokatuak ez du baztertu helegitea jartzea.
Txorierriko igarobidea ohikora itzuli da, goiz korapilatsu baten ostean
Zortzi ibilgailuren arteko istripua gertatu da goizeko lehen orduan, eta ilarak A-8ra, Arrontegira eta Artatzako errepidera ere iritsi dira. Dena den, trafikoa bere onera etorri da 10:00ak baino lehen.
Eric Olhatsek adingabeei sexu-erasoak egin izana ukatu du epailearen aurrean, Baionan
1997-2022 urte artean sei adingaberi sexu-erasoak egitea leporatuta, gaur epaitu dute Aviron Bayonnaisen entrenatzaile eta Realaren ikuskatzaile ohia. 10 urteko espetxe-zigorra eta 150.000 eurorainoko isuna jaso dezake.
Dermatosi nodular kutsakorra zabaltzea eragozteko neurriak zorroztu ditu Jaurlaritzak
Joan den hilean hartutako neurriei bi gehituko zaizkie. Besteak beste, EAEra beste toki batzuetako ustiategietako behi-aziendak iristen direnean, albaitari ofizialen zaintzapean egongo dira 21 egunez.