Artaxoa eta Mendigorriako sutea itzali dute, hiru eguneko lan gogorraren ostean
Nafarroak Suhiltzaileek eguerdian eman dute itzalitzat joan den ostegunean Artaxoa inguruan piztu eta Mendigorriari nahiz Añorbe, Obanos eta Gares udalerrietara zabaldu zen sua, SOS Nafarroak sare sozialetan iragarri duenez.
Foruzaingoak sutearen jatorria zein izan den zehaztu beharko du orain eta Ingurugiro Sailak eragindako lursaila zenbatekoa izan den eta kalteak zer nolakoak izan diren kalkulatu beharko du orain.
Ia hiru egun eman dituzte larrialdi zerbitzuek itzaltze lanetan. Osteguneko 15:45ak inguruan jaso zuen abisua SOS Nafarroa 112 Larrialdietako zerbitzuak eta Tafalla, Cordovilla, Lizarra eta Azkoiengo suhiltzaile-parkeetako langileak mobilizatu zituzten.
Horiez gain, bi helikopteroren, zortzi baso-bonben eta sei ibilgailu arinen laguntza jaso dute. Gainera, Nafarroako Baso Suteengatiko Babes Zibileko Planeko (INFONA) 2. maila aktibatzean, Espainiako baliabideak ere izan dira lanean, zehazki, FOCA hegazkin anfibio bat eta Zaragozan basea zuen ACO koordinaziorako hegazkin bat eta Lubiako (Soria) eta Darocako (Zaragoza) BRIFak.
Halaber, itzaltze lanetan aritu dira bi helikoptero, Noainen eta Agoncillon (Errioxa) basea zuten bi karga-hegazkin, Ingurumeneko Basozainak eta Foruzaingoaren eta Guardia Zibilaren patruilak.
Baliabide horiekin guztiekin, sutea perimetratzea lortu zuten ostegun arratsaldeko azken orduan. Ostiralean, "erabat egonkortuta" geratu zen, eta sugarrak freskatzeko eta errematatzeko lanak egiten jarraitu dute ordutik.
Baso-sutearen "eboluzio onari" esker, Nafarroako Baso Suteengatiko Babes Zibileko Plana (INFONA) mailaz jaitsi eta 0 Egoera Operatibora igaro zen atzo, larunbatean, nahiz eta Suhiltzaileak bertan gelditu diren gune beroak zaintzen eta freskatzen. hiru baso-brigadarekin.
Zure interesekoa izan daiteke
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.
Txalo artean ospatu dute Kanadan 'San Juan' ontziaren uretaratzea
Txalo artean ospatu dute Red Bay Kanadako Ternua eta Labrador probintziako herrian San Juan ontziaren uretaratzea. Bertako herritarrak elkarrekin bildu dira uretaratzea zuzenean ikusteko; izan ere, arrantzale herri horretako uretan aurkitu zuten hondoratuta, 1976an.
Giroa lehortuko du igandean iritsiko den hego-haizeak
Tenperatura minimoek behera egingo dute, baina maximoek, gora. Kostan, abisu horiak egongo dira, olatuen indarragatik.
Gripearen aurkako txertoa jartzeko deia egin die Osasun Sailak 60 urtetik beherakoei, bereziki haurrei
Aste honetan 889 gripe-kasu izan dira, eta horietatik % 6,2 baino ez dira ospitaleratu; aurreko astean, berriz, % 10 izan ziren. Jaitsiera horrek erakusten du txertaketak kasu larriak murriztu ditzakeela.
Bost atxilotu, horietako bi Nafarroan, adingabe batekin trafikatu eta ezkontzera behartzeagatik
Nafarroako Erriberatik Kataluniara eraman zuten 14 urteko neska, eta familia eroslearen kontrolpean egon zen, behartuta ezkontzera bultzatzeko asmoz. Gizakiak salerostea egotzi diete.
'San Juan' baleontzia Pasaiako badian da jada, historia egiteko prest
Oraindik ez dute lan guztia amaitu, mastak, oihalak eta beste xehetasun batzuk falta baitira. Asmoa da 2027an Kanadarantz abiatzea, euskaldunek bere garaian egiten zuten modura.
'San Juan' ontziaren uretaratze hunkigarria Pasaian
Sagardoarekin bataiatu ondoren, San Juan baleontzia Pasaiako badian uretaratu dute. Agintariek eta ehunka herritarrek ez dute une historikoa galdu nahi izan.