Harrapatze anizkoitzagatik Haron atxilotutako gizona tratamendu medikoa jasotzera zihoan osasun-zentrora
Astelehen gauean, gurasoekin tratamendua jasotzera zihoan gizonezko batek bost pertsona zauritu eta osasun-langile bat hil zituen Haron (Errioxa), osasun-zentroko aparkalekuan autoarekin harrapatuta. Gidaria bertan atxilotu zuten, eta ez dute baztertzen osasun mentaleko arazoak izatea.
Guardia Zibilak baieztatu duenez, gertakariaren lekukoen arabera, Basaurin (Bizkaia) bizi den 26 urteko gizona Gobernuaren aurkako oihuak egiten zihoan. Hala zehaztu du Miguel Angel Saez Guardia Zibilaren bozeramaileak, Beatriz Arraiz Espainiako Gobernuak Errioxan duen ordezkariarekin batera egindako agerraldian. Gertaeraren xehetasunak eman dituzte, eta baztertu egin dute arrazoi terroristarik izatea.
Astelehenean, 22:15 aldera, larrialdi-zerbitzuek eta Guardia Zibilak hainbat dei jaso zituzten ibilgailu bat osasun-zentroko aparkalekuan abiadura handian sartu zela eta sei pertsona harrapatu zituela ohartarazteko.
Harrapaketaren ondorioz, zentroko 32 urteko osasun-langile bat hil, eta bost pertsona zauritu ziren, eta Logroñoko San Pedro Ospitaleko larrialdietara eraman zituzten.
Atxilotua aldi baterako zegoen Haron, eta gurasoekin batera zihoan osasun-zentrora tratamendua jasotzera. Oraingoz, ez dute xehetasun gehiagorik eman.
Lekukoen hitzetan, halako batean, ibilgailua nahita azeleratu zuen, eta sei pertsona harrapatu zituen.
Gidaria (ez du polizia-aurrekaririk) Haroko polizia-etxera eraman zuten preso, epailearen esku utzi aurretik, eta homizidio delitua eta bost hilketa saiakera egotzi dizkiote.
Zure interesekoa izan daiteke
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.
Emakume bat San Ignazioko metro geltokian erditu da, Bilbon
Emakumea, senarrarekin batera, Lutxanako geltokian zegoen, eta zenbait bidaiarik ohartarazi dute urak egin dituela, eta, bagoirik bagoira, mediku bila aritu dira.
Bernedoko kanpalekuak antolatzen dituen elkartearen aurkako zehapen-espedientea abiatu du Arabako Aldundiak
Sarrea Euskal Udaleku Elkartearen aurkako zehapen-espedientea ireki du Aldundiak, araudiaren "bi betebehar ez betetzea" leporatuta: eskumena duen departamentuari jardueraren berri ez ematea eta eskatutako dokumentazioa Aldundiari ez helaraztea. Orain arte, 21 salaketa aurkeztu dituzte udaleku horietan parte hartu zuten adingabeen familiek, sexu-erasoak eta exhibizionismoa egitea egotzita.