Goizeko lehen orduan argituko da 7.000 ikaslek eskola-garraiorik izango duten ala ez
Gaur eskola-eguna da, eta, oraindik, EAEko 7.000 ikaslek ez dakite goizean garraio zerbitzurik izango ote duten ala ez ikastetxera joateko. EITB Mediarekin hitz egin duten garraio-enpresei entzunda, behintzat, pentsatzekoa da gaurkoan ere ez dela zerbitzurik egongo.
Egoera ikusita, Jokin Bildarratz Hezkuntza sailburuak kaltetutako familientzat laguntzak egongo direla aurreratu du egunotan. Igandean Radio Bilbaon emandako elkarrizketa batean, beste behin eskatu zien garraiolariei berriro pentsatzeko eta gaur zerbitzua emateko. Izan ere, Hezkuntza Sailak atzera bota ditu autobus-enpresek eskatutako kautelazko neurriak, eta zerbitzua emateko derrigortasuna gogorarazi die. Oraingoz, ikusteko dago gaur zerbitzurik eskainiko duten.
Bizkaian eta, batez ere, Araban geratu dira ikasturte hasieran eskola-garraiorik gabe, 30 enpresak planto egin baitute.
Iaz, eskolara joateko egunaren bezperan, gauean, akordioa lortu zuten eskola-garraioaren ardura duten enpresek eta Hezkuntza Sailak. Aste honetan argitaratuko omen da familiei diruz laguntzeko Hezkuntza Sailak iragarri duen agindua.
Aiaraldeko Etxaurren ikastetxearen kasua
Aiaraldeko Etxaurren ikastetxeko gurasoek ez dituzte seme-alabak eskolara eramango, protesta gisa, "ikasturtea hasi aurretik" konpondu beharreko gatazka dela iritzita.
Asteartean arazoak jarraituko balu, eskolara joan bai, baina errepidea mozteko erabakia hartu dute guraso-elkartetik. Errudunik ez dutela bilatzen baina "nahikoa" dela esan dute.
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.