Kazkabar ekaitzak kalte material ugari eragin ditu Erriberan
Fitero, Cintruenigo eta Corellako kaleak ur eta izotz ibai bihurtu dira bart goizaldean. 02:45ak ziren ur eta txingor ekaitz bortitz batek herritar guztiak ustekabean harrapatu dituenean.
Burrunbadak asaldatuta esnatu dira lotan zirenak, eta Fiteron eta Cintruenigon herriko jaiez gozatzen ari zirenak, ez dute izan, dantzari une batez utzi, eta "ikuskizun" meteorologikoari so geratu beste erremediorik.
Ordu laurden eskasean, metatzen zihoan euri-urak eta zerutik erortzen ari zen harriak kalte pertsonal eta material ugari eragin dituzte, baina, batez ere, beldurra. "Teilatua gainera zetorkigula uste nuen", kontatu dio EITB Mediari Fiteron ekaitza etxetik bizi izan duen emakume batek.
Gaur, kalteak zenbatzeko eguna da inguruotan. Kalteak ez dira, oro har, larriak izan baina bi, edonola ere, ugariak. Txingor-harriek autoen beirak, teilatuak, argizuloak, leihoak, erretenak eta pertsianak apurtu dituzte.
Gainera, ura etxebizitza eta etxabeetan sartu da, eta suhiltzaileek eta Foruzaingoak esku hartu behar izan dute.
Halaber, hainbat pertsonak zauriak izan dituzte, bai txingorraren kolpeen ondorioz, bai irristaden eta erorikoen ondorioz, lurzoruaren egoeraren ondorioz eta osasun etxeetako larrialdietan artatu behar izan dituzte.
Hala ere, kalterik nabarmenenak, beste behin, landa lur eta uztetan: batez ere fruta-arboletan eta olibondoetan, kaltetuek diotenez, "dena galdu da".
Nafarroako Gobernuak jakinarazi duenez, goizaldean, Tuterako eta Lodosako suhiltzaileek eta Foruzaingoak hainbat esku-hartze egin behar izan dituzte inguruko hainbat kale eta errepidetan, hala nola Lodosan edo Lizarran, luiziak izan direlako edo putzuak sortu direlako horietan.
Kazkabarrak kalteak eragin dituen herrietako udalak bildu dira dagoeneko eta ingurua hondamendi eremu izendatzea eskatzea baloratzen ari dira.
Zure interesekoa izan daiteke
Indarkeria matxista denon ardura dela azpimarratuko du aurten azaroaren 25eko kanpainak
‘Ez da zure arazoa soilik, gurea ere bada’ izango da EAEko erakundeek aurkeztutako kanpainaren leloa, eta norbanako batzuen arazo izatetik urruti, gizarte osoari eragiten dion egiturazko arazoa dela eta emakumeak babesteko komunitateak osatzeko beharra nabarmenduko ditu.
Artxandako funikularra itxiko dute hiru egunez, mantentze-lanak egiteko
Udalak jakinarazi duenez, autobus zerbitzu berezia (E5 linea) martxan jarriko da, Bilbo eta Artxandaren arteko garraioa indartzeko. Zerbitzu hori A7 lineako ohiko autobusaren osagarri modura emango da, azken horrek normaltasunez jarraituko baitu.
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.