Tenperatura altuengatik abisu horia ezarri dute biharko Euskadin, lehen aldiz urrian
Eusko Jaurlaritzaren Segurtasun Sailak abisu horia ezarri du astelehen honetarako 36 ºC-ra iritsiko diren tenperatura altuengatik, bereziki EAEko mendebaldean.
Abisua 14:00etatik 19:00etara egongo da indarrean, arratsaldean haizeak ipar-mendebaldera egin eta tenperaturak jaitsiko baititua. Hego-haizeak indarra hartuko eta, horren ondorioz, Kantauri isurialdearen barnealdean tenperatura 35 ºC ingurura irits liteke. Kostaldean ere bero egingo du, eguerdi inguruan edo arratsaldean haize aldaketa izan arte; orduan haizeak mendebal/ipar-mendebaldera egingo du, zakar samar, eta mendebaldetik ekialdera hedatuko da aldaketa. Hortik aurrera, tenperatura jaitsi egingo da eta behe-hodei batzuk ere sartuko dira. Hegoaldean, berriz, maximoak aurreko egunekoen oso antzekoak izango dira eta giroa eguzkitsua izango da egun osoan.
Igande honetan ere bero izan dugu protagonista. Euskalmeteko estazio meteorologikoek erregistratu dutenez, 30º izan dira hiriburu guztietan, eta hainbat udalerrietan 35º-tik gora ere izan dira, besteak beste, Balmasedan, Laudion edo Bergaran.
Asteartean tenperaturak behera egingo du nabarmen eta euria egingo du ipar partean. Fronte hotz baten muturrak lurraldea zeharkatuko du, nahiko azkar, eta horrekin batera hodeiak ugaritu eta euria egingo du Kantauri isurialdean. Iparraldeko haizea ibiliko da eta tenperatura maximoak nekez iritsiko dira 22-23 ºC-ra.
Asteazkenetik aurrera lainoak joaten hasiko dira eta astebururako eguraldi eguzkitsuagoa espero da.
Kontsulta ezazu eguraldiaren iragarpena eitb.eus-en, eta bidali zure argazkiak eta bideoak.
Zure interesekoa izan daiteke
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.