Ikastetxe bakoitzak A, B eta D ereduetatik bere hizkuntza-proiekturako bidea egingo du, Bildarratzen arabera
Duela 40 urte ezarritako hizkuntza-ereduek indarrean jarraitzen badute ere, ez diete gaur egun ikastetxeek dituzten beharrei erantzuten, Jokin Bildarratz Eusko Jaurlaritzako Hezkuntza sailburuaren arabera. Ildo horretan, ikastetxe bakoitzak egungo A, B eta D ereduetatik bere hizkuntza-proiekturako bidea egingo du, "ikastetxearen inguruko egoera sozioekonomikoa eta soziolinguistikoa kontuan hartuta". Edonola ere, helburua izango da Derrigorrezko Bigarren Hezkuntza amaitzerako ikasleek euskaraz eta gaztelaniaz B2 maila izatea.
Halaber, sailburuak gogorarazi du hizkuntza-ereduak ez direla indargabetzen, Euskararen Legea indarrean dagoelako. Azaldu duenez, EAJk eta PSE-EEk elkarrekin Hezkuntza Lege-proiektuari aurkeztutako zuzenketak jasotzen du esparru eleanitza legea onartu eta bi urtean garatzea, hezkuntza-itunak jasotzen duen bezala.
Sailburuaren hitzetan, jeltzaleek eta sozialistek aurkeztutako zuzenketak ez du esan nahi hizkuntza-ereduak legean txertatuko direnik, baizik eta "horiek indarrean jarraitzen dutela, berritu eta eguneratuko dituen dekretu bat onartu arte". Gogoratu du egungo hizkuntza-ereduen sistema duela lau hamarkada onartu zela, eta ordutik "ikastetxeen zein gizartearen egoera asko aldatu da", horren arabera.
Horregatik, helburua ereduak "eguneratzea" dela ziurtatu du, eskola bakoitzak bere proiektua garatzeko aukera izan dezan. DBH amaitutakoan, ikasle guztiek euskaraz eta gaztelaniaz B2 maila eta atzerriko hizkuntzan B1 maila izatea lortu nahi da.
Atzo, Hezkuntza Lege-proiektuari zuzenketak aurkezteko epea amaitu ondoren, Bildarratz sailburuak balorazioa egin du Eusko Legebiltzarraren atarian. Horren esanetan, Hezkuntza Lege-proiektuak ezaugarri nagusi bat du, eta lehenengoz bilduko ditu ikastetxe publikoak zein itunpekoak "aterki edo lege beraren azpian".
Bestalde, "ikastetxe bakoitzaren ahalduntzea edo autonomia" indartuko direla nabarmendu du sailburuak. "Ikastetxe bakoitzak bere ekosistemari, bere espazioari eta bere inguruneari erantzun behar dio", gehitu du. Horren harira, ikastetxe bakoitzak egungo hizkuntza-ereduetatik bere hizkuntza-proiekturako bidea egingo du, "ikastetxearen inguruko egoera sozioekonomikoa eta soziolinguistikoa kontuan hartuta".
Azkenik, sailburuak adierazi du lege-proiektuak errespetatu egiten duela hezkuntza-ituna, eta, hortaz, ez du aurreikusten EH Bildu gabeko hezkuntza-legerik. Koalizio independentistak atzoko zuzenketari buruzko azalpen bateratua eskatu die PSE-EEri eta EAJri, kontraesanak daudela iritzita.
Albiste gehiago gizartea
Karabela portugesa gorabeherak eragiten ari da Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira bizidun horiek itsasertzera, eta zenbaitetan horien ziztadak arriskutsuak izan daitezke.
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.