Prest da Aita Mari ontzia, Burrianako portutik irten eta 11. misioari ekiteko
Aita Mari euskal erreskate itsasontziak bere 11. misioari ekingo dio egunotan, Burrianako portutik (Castelló). Aurtengo hirugarrena izango da eta zortzi profesional eta bost boluntariok osatuko du tripulazioa. Europako kostaldera Mediterraneo itsasoa zeharkatuz iritsi nahi duten pertsona migratzaileak laguntzera aterako dira oraingoan ere, geldirik, matxuratuta edo arriskuan dauden ontzietan jarririz arreta. Jarduteko eremua Erdialdeko Mediterraneoa da, Italia, Malta, Libia eta Tunisiaren artean.
Euskal itsasontziak dena prest du portutik ateratzeako; Castellóko Itsas Kapitaintzak eman behar dion azken baimena besterik ez da falta.
2023an egin dituen bi misioetan (urtarrila-martxoa, eta ekaina-uztaila) 300 pertsona erreskatatu ditu Mediterranioan eta beste 162 pertsonari lagundu diete. Guztira milatik gora dira Aita Mariko tripulazioak 2018tik erreskatatu edo lagundu dituen migratzaileak.
Eusko Jaurlaritza Burrianan, babesa erakusteko
Irten bezperatan, Mediterraneoan egiten duten "lan humanitario garrantzitsua" aitortu eta eskertzeko, Burrianan bertan dira Nerea Melgosa Eusko Jaurlaritzako Berdintasun, Justizia eta Gizarte Politiketako sailburua eta Xabier Legarreta Migrazio eta Asilo zuzendaria.
"Harrotasuna da Eusko Jaurlaritzarentzat, jakitea Aita Mari bezalako proiektuak ditugula, bizitzak salbatzen dituztenak, eta, zoritxarrez, azken aukera direla ia dena galdu duten pertsonentzat, bizitza izan ezik", adierazi du Melgosak, ontzira egindako bisitan.
Melgosak azaldu duenez, misio berria hasterako tripulazioa agurtzeaz gain, "modu publiko eta ikusgarrian erakutsi nahi diegu Aita Mari ez dagoela bakarrik itsasoan, euskal erakundeen eta herritarren laguntza baitu".
Eusko Jaurlaritzak 1.850.000 euro bideratu ditu 2018tik 2023ra Aita Mariren jarduera laguntzera; zehazki, Mediterraneoko itsas ibilbideak erabiltzen dituzten pertsona migratzaileen ontziei laguntza emateko eta itsasoan Giza Eskubideak betetzen direla monitorizatzeko ekintzen garapenaren ondoriozko kostuak finantzatzen laguntzera.
Europan asilo- eta migrazio-politika bateratua lortzeko Hogeita Zazpietako akordioari dagokionez, Melgosak nahiago du zuhur jokatu, Europako Parlamentuan gerta daitekeenaren zain. Hala ere, itun horrek Aita Mari bezalako GKEei ekarriko dizkien zailtasun gehigarriak aipatu nahi izan ditu; izan ere, dokumentuak itsasoan egindako erreskateak instrumentalizazioaren esparruan jasotzen ditu, hau da, EBko estatu bat ezegonkortzeko migrazio irregularra erabiltzen duten aldez aurretik pentsatutako ekintzatzat hartzen ditu. "Uste dut onartezina dela itsasoko erreskateak kriminalizatzea, zeren eta, ezegonkortu beharrean, bizitzak salbatzen dituzte", ondorioztatu du Nerea Melgosa sailburuak.
Zure interesekoa izan daiteke
Bart indarra hartu du atzera Urzainkiko suteak, eta itzaltzeko lanean jarraitzen dute
Atzo iluntzean botatako euria ez da nahikoa izan sua baretzeko eta garrak kontrolatzeko lanean ari dira suhiltzaileak.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, eta hondartzan bizi diren gainerako pertsonak modu mailakatuan birkokatuko dituzte datozen egunetan.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.
Melanomaren aurkako lehen txertoak 3. fasea gainditu du eskala handiko saiakuntza kliniko batean
Moderna eta Merck farmazia-enpresek RNA mezularia daraman txerto pertsonalizatu horrek immunoterapia-tratamenduarekin batera emanda izan duen arrakastaren berri eman dute. Burtsetan gorakada nabarmena izan dute bi enpresen akzioek.
Erasoen aurkako dispositiboa aktibatuko dute Bilbon larunbatean Aste Nagusirako
Udalak eta Bilboko Konpartsek, batera, eraso matxistentzako protokolo espezifikoa berritu dute.
Granada lurrikara-multzo batean murgilduta dago abuztuaren 14tik
Granadak lo egin ezinean igaro du beste gau bat, erreplikak zenbatuz, atzo probintzia astindu zuen 4,8 graduko lurrikararen ostean. Adituek baieztatu dutenez, bai probintzia eta bai metropoli-eremua abuztuaren 14tik daude multzo sismiko batean bete-betean sartuta: antzeko potentzia duten lurrazaleko lurrikaren segida bat, asteak edo hilabeteak iraun ditzakeena.
Ceutara iritsitako ehunka emakume migranteek egoera bereziki lazgarrian jarraitzen dute
Marokotik Ceutara iritsi ziren ehunka emakumeek egoera bereziki lazgarrian jarraitzen dute. Jada egoera larrian badaude ere, gainerako gizonezko migranteen hitzek, jokaerek eta ekintzek babes falta areagotzen dute. UNICEF gertutik ari da krisia bizitzen: polizia nahikorik ez dagoela eta dauden agenteek ezin dietela lagundu salatu dute.