Emakumeen eta gizonen arteko aldea erdira jaitsi da Ertzaintzan
Ertzaintzan sartzen diren emakumeen eta gizonen arteko aldea erdira murriztu da, duela 40 urte lehenengo emakume ertzainak sartu zirenetik.
Gaur egun, emakumeak % 17,95 dira Ertzaintzaren lanpostu-zerrendan, eta emakumeen batez besteko adina 40 urtekoa da. Zehazki, 1.341 emakume ertzain daude aktibo: 1.019 oinarrizko eskalako agenteak dira, 78 agente lehenak, 35 ofizialak edo ofizialordeak, 3 komisariordeak, 3 komisarioak, 2 fakultatiboen eta teknikarien eskalakoak eta 201 gaur egun praktiketan ari diren agenteak. Nahiz eta une hauetan 2 emakume dauden intendentetarako gaituta, ez dago plaza hori jabetzan duen emakumerik, Ertzaintzako eskalarik altuena izanik.
Iñigo Urkullu lehendakaria, lehen lehendakariorde eta Segurtasuneko sailburu Josu Erkorekarekin batera, izan da gaur (astelehena) Ertzaintzan emakumeak sartu zireneko 40. urteurrenaren (1983-2023) ekitaldian.
Gora egin du promozio berrietako emakumeen kopuruak
Eusko Jaurlaritzaren ustez, finkatuta dago Ertzaintzaren promozio berrietan emakumeen presentziaren oinarria % 30ekoa izatea, baina oraindik ere ez da nahikoa. Horregatik jarri du abian "Emakumeak Ertzaintzaren Oinarrizko Eskalako agente kategorian sartzeko I. Sustapen Plana 2026", emakumeek polizia-kidego batean duten presentzia hauek kidegoan sartu aurretik igotzea helburu duen dokumentua.
Plan horrek zeharkako eta diziplina anitzeko 45 neurri zehatz proposatzen ditu emakumeek gaur egun Ertzaintzan duten azpiordezkaritza jatorritik zuzentzeko, 2026an Ertzaintzan sartzen diren emakumeak % 40 izatea lortu arte.
Plan horrek proposatzen du hautapen-prozesu bakoitzean emakumeek bete beharreko plazen ehuneko progresibo bat gordetzea, legeak ahalbidetzen duen % 40ra iritsi arte, eta proba fisikoak hurrengo deialdira atzeratzea, umea jaio aurreko, erditzeko edo jaio ondoko egoeran dauden emakumeen kasuan.
Albiste gehiago gizartea
Emakume bat hil eta hiru pertsona zauritu dira Lemoan izandako auto-istripu batean
Ezbeharra 01:40 aldera gertatu da, Ertzaintza ikertzen ari den arrazoiengatik.
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.