Epaimahaiak errudun jo du Usurbilgo Andatza mendian gizon bat hiltzeagatik akusatutakoa
Andatza mendiko krimena azaroaren 3tik epaitu duen epaimahaiak errudun jo du akusatua gaur; ebazpenaren arabera, 2022ko urtarrilaren 24an beste gizon bati lepoa moztu eta hil egin zuen, Usurbilgo (Gipuzkoa) basoan.
Biktima odolustuta eta eskuak lotuta utzi zuen, eta hilabete geroago aurkitu zuen mendizale batek. Ikerketa amaitutakoan, Ertzaintzak inputatu nagusia eta bi emakume atxilotu zituen iazko martxoaren amaieran.
Epaimahaiko presidenteak gaur goizean jaso ditu magistratuaren eskutik epaia emateko eskaria eta galdera-sorta, Gipuzkoako Auzitegian, eta gaur gaueko lehen orduan eman du ebazpena epaimahaiak: akusatuaren bikotekidea, atxilotutako emakumeetako bat, krimenaren konplize izan zen, eta beste emakumea, berriz, estaltzailea.
Akusatuaren neska-lagunari droga-mendekotasunaren aringarria aplikatu dio epaimahaiak, baita beldur gaindiezinaren pean jardun izanarena ere; bigarren emakumeari, ostera, inguruabar salbuesle osatugabetzat aitortu diote beldur gaindiezina. Halaber, inputatu nagusiarentzat ere onartu du droga-mendekotasunaren aringarria.
Horrela, Fiskaltzak ahozko saioen hasieran egindako eskaera guztiak hartu ditu aintzat epaimahaiak, defentsak hasiera-hasieratik ados zeudela.
Hiru inplikatuek gertatutakoa aitortzeak epaimahaiaren lana erraztu du; izan ere, azaroaren 6an, epaiketaren bigarren saioan, gertakariak aitortu zituzten, Ministerio Publikoaren akusazio-idazkian jasotako kontakizunari jarraituta.
Fiskaltzaren arabera, jeloskortasuna izan zen hilketaren zioa; izan ere, kartzelatik irten ondoren, hildakoa behin baino gehiagotan aritu zen errudunaren neska-laguna limurtu nahian, eta garai batean harreman sentimentala izan zuen harekin.
Urtarrilaren 24an, bi gizonak Hernaniko (Gipuzkoa) etxebizitza batean borrokatu eta gero, errudunak biktimari eskuak lotu zizkion, neska lagunaren laguntzaz, eta Andatza mendira eraman zuen furgonetaz, bertan hiltzeko, etxean bizi zen hirugarren akusatuari odola garbitzeko agindu eta gero.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.